正在閱讀
新款iPhone炒唔炒得起?先達Lo哥睇好銷情 轉手即賺$5000

新款iPhone炒唔炒得起?先達Lo哥睇好銷情 轉手即賺$5000

2017.09.13

剛剛舉行的蘋果10周年發佈會,終於揭曉將會推出3款新機,除了新機售價值得關注,一眾果農亦十分關心各款iPhone的回收價。今次特別訪問了在先達販賣iPhone多年的Lo哥,睇吓新款iPhone炒唔炒得起!

 

 

 

蘋果今次一共推出3款新機,容量只有64GB與256GB 揀,iPhone 8  64GB及256GB的定價為 HK$5,988 及 HK$7,288。而iPhone 8 Plus 64GB及256GB的售價則為HK$6,888 及 HK$8,188。而iPhone X 入門版 64GB售價由為HK$8,588 起跳,256GB版售價HK$9,888。 

 

先達Lo哥對新款iPhone銷情表示樂觀,預料最「炒」得的款式為十周年版iPhone X,新增了多款新功能, 規格亦相對較其他款式高,預計水位可以升至大約$3000-$5000一部。 

 

至於iPhone 8,預計64GB款就最多人買,但水位比較低,大約每部加$300。而256GB則為大約每部加$500。而iPhone 8 Plus水位應該去到每部大約加$1000-$3000,預計iPhone 8 Plus 金色的256GB會比較受歡迎,不過實際情況還是要視乎實際的供應量。 

 

Lo哥補充雖然中國都是首發地區,不過由於中國人口太多,供應量未必能夠滿足龐大的需求量,依然有部份人會選擇到香港入貨。 

 

 

不過蘋果現時一次過推出多款不同的iPhone,未必每一部都「炒」得起,一切還是要視乎貨量。最後小編留個溫馨提示,iPhone 炒價可升可跌,各位果農記得留意市況量力而為! 

來源:AppleG World Mobile Lo Gor 

 

【精選推介】 

無Home掣定價近1萬元 iPhone X 6大亮點率先睇 

控制中心大改造、影相更慳位!iOS11更新率先睇

加入新色及無線叉電!iPhone8/8Plus 月尾有得賣 

iPhone8/8Plus/iPhone X 中港台定價比較