銅鑼灣小食店減價戰 魚蛋兩串賣$5!店主直言:攞銀紙出黎同人鬥

文: Cay Cheung
2018.01.09

香港物價高,持續通脹下,街頭小食的價錢亦不如以往親民,就如雞蛋仔由$12-$13一底,升到近$20一底。而早年更有報導指在遊客區,一碗魚蛋賣$40。不過近期銅鑼灣區的魚蛋則「逆市」減價,愈賣愈平,原來背後正開展了一場減價戰。

其中一間位於銅鑼灣的小食店,店主李生就接受《東張西望》的訪問,細說事件始末。2015年在謝斐道開鋪的李生,當時與在鄰街開店的對手鋪一樣,大家都是一串魚蛋賣$8。

位於對面街的對手,後來搬到同一條街經營小食店,對方改以一串魚蛋賣$6蚊,並推出買一送一的優惠,李生質疑對方是特登搬到一個更有利的位置搶生意。

李生指被人搶走了近三分之一的生意,決定出招還擊,以$5蚊一串,並同時推出買一送一的優惠。

雖然表明賣$5好蝕本,但李生不會放棄減價,揚言「佢賣$5 我賣$4」,一定要「平」過佢,最後更表明「會攞銀紙出黎同人鬥」。

除了價錢,質素也影響客人購買的意欲,另一間位於景隆街的小食店,則在訪問中表示會以味道取勝,指有不少本地客都會回來再幫襯。

報導一出,不少網友都指期待見到「四蚊串,買一送一」的一日。不過,亦有一些稱在當區生活的居民指,試過味道就知道點解對手會有較多生意。

看來銅鑼灣的魚蛋減價戰比電視劇更精彩,如果《溏心風暴》還有機會拍續集,不如考慮以魚旦作家族故事背景。

來源:東張西望擷圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】勁賞霜瀛廚師發辦套餐!↓

↓ 嚴謹日本各地時令食材 / 高質江戶前風味Omakase!↓

↓ 嚴謹日本各地時令食材 / 高質江戶前風味Omakase!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓