正在閱讀
貓奴狗奴性格大不同 調查發現養貓人士較聰明?

貓奴狗奴性格大不同 調查發現養貓人士較聰明?

2018.02.21

「養狗好定養貓好?」鐘意養寵物嘅你,一定有諗過以上問題。不過做貓主人定做狗主人,原來都有根據㗎!以下研究或者可以幫到一眾貓奴狗奴,解答你哋嘅疑難,唔使再咁煩惱啦!

 

美國威斯康辛州一間大學曾經進行一項研究,訪問院校600個學生,調查佢哋係貓奴定狗奴,同埋佢哋嘅性格特徵。結果發現有6成學生鐘意養狗,比起鐘意養貓嘅多出6倍。

 

不過結果亦顯示,養貓同養狗嘅學生,兩者性格好唔同!原來貓奴感覺比較敏銳,諗嘢更開明,唔鐘意循規蹈矩,不過性格就相對內向。相反狗奴比較外向,活潑好動,而且服從性比較高。

 

 

有教授認為兩者性格唔同,係由於貓狗生活環境大不同所致。貓貓偏向較靜,鐘意留喺屋企唔鐘意出街,符合鐘意留喺室內活動嘅主人;狗狗就多啲需要出街散步,四圍郁,所以鐘意外出運動嘅主人就偏向鐘意養狗多啲啦!

 

 

其實貓仔狗仔都好得意,跟返自己性格揀就最啱啦!不過唔好一齊養,如果唔係隨時會喺你屋企引發大戰㗎!

 

來源:Live Science

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠