唔再撈亂譚仔與譚仔三哥!一次睇清譚仔5大分別

文: Cay Cheung
2018.03.21

最近有食客去完「譚仔三哥」食米線,之後向「譚仔」投訴員工態度差,雖然「譚仔」唔關事,但都耐心幫呢位食客解決問題,贏得唔少網民的掌聲。1996年創立的「譚仔雲南米線」,在2008年分開經營,一間依舊叫「譚仔雲南米線」,而由三哥和六弟主理的則改名叫「譚仔三哥米線」。

各自獨立經營近10年,但仍有人分不清「譚仔」與「譚仔三哥」,雖然同是賣米線、兩間譚仔的姐姐口音亦相似,但仔細留意就會發現有其他分別。

 

延伸閱讀食客去錯譚仔FB投訴「三哥」 「譚仔」FB Admin化身最強公關

 

1. 餐廳招牌

除了名字「譚仔」和「譚仔三哥」不同,其招牌及店舖裝潢亦有明顯分別,「譚仔」是以綠色為主色,而「譚仔三哥」則以紅色為主,其LOGO更有卡通化的三哥嘜頭。

 

2. 米線碗

「譚仔」的米線碗是黃色,而「譚仔三哥」的則是黑色。

 

3. 制服顏色

「譚仔」姐姐的制服是以黑色為主,「譚仔三哥」姐姐的制服是紅色衫配黑色圍裙,並會在制服上清楚寫上「譚仔三哥」四字。

 

4. 餐牌

無論在「譚仔」抑或是「譚仔三哥」,都可以點到「懶肉勿演畜牲麻辣實小勒」。餐牌上大部份的食品都相似,不過煳辣湯底則是「譚仔三哥」獨有。

 

5. 餐廳活動儲印仔

而「譚仔」則有獨家的儲印仔活動,然後可以換取禮品或優惠。而三哥是沒有這個儲印仔活動,千萬唔好去問三哥點解唔俾印仔你。

 

 

雖然早前就有消息指「譚仔」同「譚仔三哥」都被日本丸龜製麵的母公司收購了,但「譚仔」同「譚仔三哥」依然會獨立運作。

來源:譚仔雲南米線譚仔三哥米線 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓