蘋果公司Apple的iPhone XS、 iPhone XS Max同iPhone XR推出了幾個月,最近又有關於Apple 2019年iPhone的傳聞,蘋果的新iPhone除了有機會推出3鏡頭之外,仲有機會推出歷代最薄的iPhone,一齊睇吓Apple 2019年推出的iPhone手機有機會配備咩功能。
最近外國媒體tom’s guide 就透露了2019年iPhone有機會會配備的規格。
Tom’s guide 表示,新手機可能會採取5鏡頭規格,前面有2個鏡頭,後面有3個鏡頭,總共有5鏡頭。
而根據外國媒體透露,新鏡頭有助加強手機的AR功能。除此之外,鏡頭仲有機會可以為周圍的環境做到3D地圖。
而處理器將有機會升級到A13,相信手機速度會更加快。
至於大家都好關注的推出日期,外國媒體就根據以往蘋果發佈會的動態,預測新手機有機會在9月10日發佈,並在9月20開始發售。
不過新手機設計消息尚未確實,所有資料需等蘋果公司公佈為準。
資料及圖片來源:tom’s guide,idropnews,pexels,pixabay
評語