臨近聖誕，又再喚醒所有單身男女的戀愛細胞。Dry咗咁耐，相信各位同路人都希望在聖誕節之前找到伴侶，共度佳節，而當下無從入手、心急如焚的你終於有救了！最近請來香港交友約會業總會創會主席黃嘉如 (Yubi) 小姐，向大家教路由約會前期準備至約會期間的一些秘技，有興趣的朋友記得留意啦！
如何開口邀約？
專家建議可以為表誠意直接同心儀對象講：「咦，聖誕節我哋可唔可以一齊過呀？」切忌刻意製造藉口，比如「嗰日我阿媽冇煮飯呀，我哋出去食飯囉」等，聽者會感到兒戲，認為與自己約會只是為了消磨時間，而非出自真心。
約食飯應該如何問？
許多時提出邀約的男生都有個通病，就是習慣問：「咦，妳嗰日想食啲咩呀？」事實上，更佳的問法應為「妳有啲咩係唔食架？」待女方回應以後，男生便可說：「得，我明白啦，其他就等我安排啦！」這樣一來，男士可以顯示出男人應有的氣概，主宰著整個約會，讓女生更具安全感。
如何選擇約會地點及時間？
聖誕期間，選擇於晚上約會固然是無可厚非，所以約會地點是值得留意的一環。專家建議避免以看電影作為約會開端－－面對螢幕，戲院環境亦不適合對話，兩人未能了解對方更多。由此，專家建議先以晚飯作為約會的開始，不能約太晚－－大約6點半至7點左右，食物方面要避免選擇韓燒、火鍋類，因容易將注意力放在食物本身，而非對話當中，亦應盡量避免自助餐、放題等餐廳，因為經常出入拿食物，容易打斷彼此的對話，亦給予對方迴避問題的機會。
如何應對已讀不回？
提出約會的人，切忌以為對方「藍剔」以後就必須立即回應，這種心態應作出調整；而收到邀約的一方，假若有心跟對方發展的話，就應盡早回覆，假若拖泥帶水，反給予人負面印象，甚至錯失緣份。
女生的約會打扮？
專家建議女生的衣著應該以暖色系，例如白色、粉紅色等為主，而妝容亦都應該簡單大方，但切忌為了迎合聖誕而嘗試誇張的打扮，男生未必能理解此等風格之外，反令好感度下降。
男生約會打扮？
至於男生衣著方面，最重要以乾淨、企理為主，如果可以梳理「All Back」頭更可達錦上添花的效果，因為更能凸顯男生的自信感。
如何增強自信？
專家認為自信不足的主因，許多時是由於掌握的資訊不足，因此約會之前，如果可以利用社交平台如Facebook、Instagram等了解對方更多，譬如對方的興趣、職業、衣著品味等等，信心自然大增。
圖片來源：pixabay
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
