深圳福田口岸馬拉松式搶閘場面驚人 打工仔8分鐘極速跨境過關來港返工
網上近日流傳一段於清晨6時30分拍攝，深圳福田口岸變成「人肉賽道」的影片，顯示大批跨境打工仔在「開閘」一刻猶如跑馬拉松般衝閘，幾百人如職業跑手瘋狂「喪跑」，更有部份人不慎跌倒後幾乎「被人踩」，惟數秒後彈起身繼續向前衝，引來不少網民直言場面「勁過動漫節搶限量版」，但其實是跨境打工仔的日常。
深圳打工仔8分鐘極速跨境過關來港返工：跌倒起身繼續跑
影片中顯示，數百人像專業跑手般壓低身體在閘門開啟剎那狂奔，其中最驚險一幕是一名黑衣女子在「起跑」不久後，不慎被人潮絆倒險遭踩踏，但她僅用數秒便爬起來繼續「衝刺」，場面相當驚險。不過，大批人潮跑入室內之後突然剎停，驚揭原來跑得快也未必有用，人群仍需要耐心等待升降機。
有關片段引來大批網民熱議，有網民直言「每個清晨！有黃大仙上頭炷香嘅感覺」、「何苦呢」、「咁X辛苦為乜」？有網民就解釋，深圳福田口岸每日早上6時30分準時開閘，而港鐵落馬洲站頭班車每日早上6時38開車，意味過關者必須在8分鐘內在內地及香港完成過關手續，因此出現人潮「衝過百米通道」，再排隊過深圳關繼而衝天橋，再排隊過香港關，最後衝入東鐵綫閘機上車，返香港開工。
對於有關現象，有網民分析打工仔跨境上班現況，認為「十幾年前每日都已經係咁，有你想像唔到咁多人每天都喺口岸等開閘返香港趕開工，每個口岸都係咁多人」、「其實早30年前羅湖都係咁，返早就要衝關，過境學生同老人家例牌排左右兩邊」。亦有人指「當你攞幾千蚊住過爛Ｘ劏房...深圳幾千蚊已經租到個有房有廳有獨立廁廚嘅單位」、「有頭髮邊個想做癩痢？有冇諗過香港啲樓價貴得瘋狂，啲人焗住要返大陸住，就係要為咗節省生活成本？唔通個個都有公屋住咁幸福咩」？
翻查資料，有關影片與2023年9月尾時網上瘋傳，一段福田口岸搶閘回港返工返學的影片相似。
資料及圖片來源：Facebook@車cam L（香港群組）
港生活人氣本地熱話
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
