成班朋友開Party一齊玩，不少人首選必定是任天堂Switch，大玩多人合作遊戲可以炒熱氣氛，但不少都講求團隊合作隨時玩到友誼小船說翻就翻。今次就為大家推介8款友情破壞Switch Game，包括人氣《Overcooked!》系列及《Tools Up!》，即刻同朋友一齊挑戰！
1. 《Overcooked!》系列
作為經典的多人合作遊戲，《Overcooked!》系列推出至今大受歡迎！玩家需要在拍定時間完成餐點送出，遊戲考驗團隊合作，萬一團隊中出現豬隊友動作太慢或拖延時間，不單會令廚房大火，仲分分鐘玩到絕交！
2. 《Tools Up!》
去年新推出的多人合作遊戲，同樣最多支援4人遊玩，玩家需要在限時內按設計圖完成裝修，進行拆牆、油漆、鋪磚及擺放家具等工作。遊戲一樣考驗團隊默契，不少人玩到手忙腳亂，隨時將門或油漆拋向隊友，同朋友玩到嗌交！
3. 《擔架拍檔》（The Stretchers）
由任天堂推出的《擔架拍檔》，以救護員為遊戲主題，最多支援2人遊玩。玩家要與隊友一同到城中各個災難現場，救出受傷人士送往醫院，兩人要合力著擔架抬送病人，加上每個關卡都有不同任務要同時解開，需要動一動腦筋方可過關，需要有一定默契才能完成。
4. 《Catastronauts》
由《Overcooked!》 的Inertia Game Studios遊戲工作室開發，一樣以多人合作遊戲為主，但背景變為外太空，玩家們變身太空船船員，大家要互相合作攻打敵人，過程中仲要搬運彈藥和瞄準敵人，萬一船身著火仲要立即前往救火，更有機會跌出外太空！
5.《危險的時空戀人》（Lovers in a Dangerous Spacetime）
遊戲亦是支援4人遊玩，玩家們要分工控制飛船、控制大炮和飛船防護罩，才能成功過關，解救被綁架的太空兔，想要完成任務必須齊心協力。
6. 《Moving Out》
遊戲發行商team17帶來的全新四人合作遊戲《Moving Out》玩家需要搬屋完成任務，過程中亦有不少難關和陷阱，隨時要走上大馬路或火車軌上搬傢俱，考驗隊友們的默契，仲要講求速度，又是新一輪友情挑戰。
推出日期：2020年4月28日
來源：Team17、FB@Moving Out
7. 《Totally Reliable Deluvery Service》
遊戲以速遞為主題，玩家們變身派件員，要在城市中亂衝亂撞將貨物送到指定地點，玩法聽落簡單，但想好好控制角色有難度，一不小心就會跌倒，隨時亂衝亂撞玩到失控。
推出日期：2020年4月1日
來源：Steam
8. 《人類：跌落夢境》（Human：Fall Flat）
玩家要控制軟趴趴的角色完成解迷，但想好好控制亂跌亂撞的角色可是相當難，隨時會阻礙隊友前進，反而令全員一齊跌落街，啱晒成班朋友一齊玩大放笑彈！
來源：Nintendo
▼即睇最新遊戲情報▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
