【專人在線】幫狗仔戒陋習/學識基本服從 星級犬隻訓練師Eric傳授馴犬心得
可能許多人對於犬隻訓練的認知是教導狗仔畀「hand hand」，或者訓練狗仔執波，事實上犬隻訓練的模式和範疇包羅萬有，而且一般家犬訓練不只是讓狗仔學習社交和服從，原來主人都是受訓的一部份，究竟犬隻訓練實際上是甚麼？如果年青人有意入行又應該注意甚麼？等星級馴犬師Eric Ko為大家一一解答啦！
大家較常接觸到的家犬訓練可以簡單分為幼犬訓練、基本服從訓練和行為糾正訓練：
幼犬訓練：適合4個月或以下的幼犬參加，目的是讓幼犬見識世界，增加自信，並學習如何與人類和其他狗隻社交，同時，如果主人是新手狗主，就要學習狗隻基本護理和如何預防幼犬養成壞習慣等知識。
基本服從訓練： 狗仔約六個月大，就可以學習所謂的基本服從，例如「sit down」、「come」、「heel」、「stay」等口令，讓狗仔吸收更多知識和思考更多，培養狗仔的穩定性並變得有紀律，訓練當中亦有機會運用不同的道具，有些提供犬隻訓練的地方甚至會有狗仔專用游泳池、跑步機等設備配合訓練，與此同時，主人都要學習狗仔的思考模式，令兩者關係更緊密和建立互信。
行為糾正訓練：當狗仔出現一些行為問題，別以為只有惡犬亂吠、亂大小便、對人或其他狗出現攻擊性的行為才須要糾正，如果狗仔特別膽小又或者有情緒問題其實都須要處理，針對惡犬的話，就要提升主人地位，針對弱小犬隻方面，可能就要提升狗仔信心，而訓練過程中更重要是搵出狗仔行為背後的原因。
Eric提醒：「無論哪一種訓練，犬隻訓練絕不是單單訓練狗仔，其實主人都須要學習，畢竟往後與狗仔相處最多時間的就是主人，如果主人不願意學習，其實狗仔的問題就很容復發。」
年青人如果想成為專業的犬隻訓練員，可以考慮自己對哪個範疇有興趣再報考相關課程，除了訓練家犬，犬隻訓練亦包括訓練警犬、導盲犬等專業範疇，但相比讀書考牌，更重要應該問自己有否符合幾個條件：不怕與人溝通、不怕污糟和辛苦、具備愛心和堅持及身體條件能夠勝任。
「最終目標唔好以為淨係教隻狗，我起初都以為淨係教隻狗，諗住唔使同人溝通，點知原來好多時都要同人溝通。堅持好緊要，因為你隨時被人挑戰，唔少狗主係醫生、律師、專業人士，佢初頭點會信一個後生仔呢？你會被人打擊先會有進步。」Eric說。
拍攝場地提供：The Grand Dogaroo Pet Hotel
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
