3招KO 口罩下嘅惱人口氣

2020.07.03

疫情開始緩和,但每日外出仍然要戴口罩;但長時間配戴口罩容易引起口臭,唔止旁人聞到,自己更加係首當其衝!令口臭問題變得明顯,唔想繼續被口氣「反擊」自己?以下3招迅速幫你KO口氣!

第1招:改善飲食

想清除口氣,有良好既飲食習慣好重要!部分氣味強烈嘅食物經過口腔中嘅細菌分解後,會產生難聞氣味,形成口氣,常見有濃烈氣味既食物例如大蒜、洋蔥、韭菜等,其氣味都會殘留喺口腔,然而其實奶製品同吞拿魚罐頭都容易引致口氣!口腔內嘅細菌會吸收牛奶中既氨基酸,形成難聞既氣味,而吞拿魚則因為氧化後傳出酸味。

有食物會引致口氣,亦有食物可以消除口臭!中醫推介飲用菊花茶,可以清熱退火,預防口臭;食山楂亦可以化解由食滯所引起嘅口臭問題。此外,檸檬等柑橘類生果同綠茶都有辟味作用,有助減少口氣。

2招:正確清潔牙齒

想改善口氣,要正確清潔牙齒,首先每日早晚都要使用含氟牙膏刷牙,每次刷牙最少兩分鐘,亦要記得刷舌頭,清除形成口氣嘅細菌。

同時亦要使用牙線清理牙縫間剩餘嘅食物;有研究指出使用牙線有效減低口臭,如果認為牙線難用,亦可以近年大熱嘅水牙線代替。

3招:使用香口膠、口腔清新噴霧

要解決戴口罩所引起嘅口氣問題, 香口膠及口腔清新噴霧係近期大熱之選!香口膠於咀嚼時會釋放出甜味及香氣,最常見嘅薄荷味最能保持口腔清新。

而口腔清新噴霧近期更相當人氣!唔少品牌進駐香港大賣廣告。細細支方便帶出街且唔需要沖水,噴2-3下即可以去除口氣問題, 極其方便。

立刻訂閱Telegram優惠頻道:

即時下載U Lifestyle App攞盡全城著數!

↓↓優惠、生活資訊無限任睇!↓↓

優惠、生活資訊無限任睇!

U Lifestyle App《TV》專區隆重登場!

↓↓試玩、試食、試用影片任您睇↓↓

U Lifestyle App《TV》專區隆重登場!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用