王力宏離婚|事件殃及黃心穎曾自爆仰慕王力宏 網民挖IG證據曾稱:我第一個老公呀

2021.12.20

王力宏離婚出軌兼被爆約炮風波持續,身邊好友為免受牽連,紛紛割席示清白,而事件成中港台娛樂圈熱話。王力宏部分粉絲失望而去,其中就殃及池魚,有眼利網民挖出證據,指前年「安心偷食事件」中的女主角黃心穎,曾在IG上與王力宏集郵合照,更語出驚人叫老公!

本來縱橫音樂界的王力宏,早在2018年在澳門開騷,當時黃心穎特意從香港專程飛到澳門睇騷,而且追星追到入到後台見偶像王力宏「集郵」!自小就仰慕王力宏的黃心穎,更興奮在IG上分享:「I started with 《不可能錯過你》。等咗19年的合照 好難形容呢刻有幾開心 #唔經唔覺原來鍾意左咁耐 #thankyoumyfriends #哈哈哈曾經對佢有無限嘅幻想#我第一個老公呀」

昔日仍然活躍於娛樂圈的黃心穎,一直喜歡唱歌,更有自稱過「集郵穎」,曾經與王力宏、林俊傑、崔始源、郭富城、劉德華、張學友、鄭伊健等合照,集郵男星名單多籮籮。

黃心穎自2019年「安心出軌事件」後,被TVB火速掟入雪櫃,由本來備受力捧的上位小花,變成乏人問津的「偷食女主角」,觀眾緣直插地核。雖然,演藝事業一鋪清袋,但黃心穎一直想尋找最好機會復出,洗心革面好好做人,皆因她被TVB仍有疑似八年的賣身約捆綁,今時今日都仍然有約在身,未有從此解約。

 

 


圖及來源:IG@黃心穎

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】送DJI OM4 磁吸固定手機雲台!↓

↓ 立即分享影片 贏走拍片神器!↓

↓ 立即分享影片 贏走拍片神器!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章