旺角50年街市雜貨店結業清貨 舊瓷器/小家電/電子潮物 必買平靚正筍貨推介

文: U Magazine
2022.10.06

旺角一間經營近半世紀的老字號雜貨店,近日宣佈10月尾結束營業,全場低至7折,店內除了售賣瓷器,亦有不少新潮居家用品,店內價錢一向「街坊價」,吸引不少後生仔女捧場,即刻幫大家精選8件必買生活用品,趁結業前狂掃平靚正筍貨!

經營逾半世紀的錦興瓷器行,表面看似平凡的街市雜貨店,走入去會發現內有乾坤!

自從由太子爺 Fan 接手打理,即刻為老字號搞搞新意思,數年前出售勁搶手的駱駝牌暖水壺後,開始售賣瓷器以外的新潮居家用品,吸引很多甚少涉足街市的後生仔女捧場。

店內懷舊與創新物品共冶一爐,一邊是公雞碗、紅 A 膠桶,另一邊層架卻擺滿三文治機、咖啡機、按摩槍、彩色拖板等潮物及海外雜貨。

因太子爺與不少代理商相熟,較容易入平貨,產品多是親民「街坊價」。可惜近日因業主加租、以及為家人健康著想,於 Facebook 專頁宣佈,忍痛決定將於 10 月 25 日結業。

即日至 10 月 10 日,門市 85 折優惠;10 月 21 至 25 日更低至全場 7 折,抵上加抵,即刻幫大家精選 8 件必買居家用品!

必買平靚正筍貨推介:

1.櫻花美濃陶瓷碗 85 折後 $29
引入海外筍貨的同時,錦興亦找廠商合作,生產自家設計,這款櫻花圖案美濃燒陶瓷碗,日本製、和風濃厚,碗底刻有店名,別具紀念價值。

2.Hiorie 今治速乾細絨毛巾 85 折後 $45
另一款繡有店名及「祝君健康」的訂製版毛巾,則是被譽為「毛巾界 Hermes」的 Hiorie 出品 ,既輕薄又速乾,並用上大受歡迎的薰衣草紫色,同樣極具珍藏價值。

3.公雞碗 85 折後 $6.8 起
手繪版本的雞公碗,比機印版多了一份靈魂。

4.M2K 紫色 AC 電源線 85 折後 $39
紫色的 AC 電源線,坊間少見!更特別將一般家用電線由 1.2m 增長至 2m,減少接駁拖把延長電線的煩惱,亦可以替代舊有老化的 AC 電源線。

5.德國製 Brennenstuhl 電拖把 85 折後 $118
全德國製的電拖把亦是坊間少見,具品質保證。

6.真空不銹鋼保溫保冷杯 85 折後 $88
可以整罐可樂連罐保冷,亦可以換個蓋直接飲用,超方便。

7.Senki 慢磨榨汁機 85 折後 $299
慢磨機比一般榨汁機口感更順滑無渣,無金屬味道、原汁原味,而且慳位易清潔。

8.ScoopyDoo 一體式貓砂剷  85 折後 $30
多色任揀,方便易用,不會弄到一地貓砂。

錦興瓷器行
地址:旺角廣東道1003號號地下
電話:2651 8822

text/zuki
============
同場加映:
【蝸居睇樓團】龍師傅話你知!五門歸心只係傳聞?! 屋企對住醫院、公路、火車軌 一定唔好?!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓