吳嘉儀IG呻後生工作人員零尊重 為角色染髮後反口棄用：寫落小器簿
TVB女藝員吳嘉儀（阿七）早前在新婚幾個月後，突然在IG分享自己跟老公爭執的事，令外間大為擔心，不過後來吳嘉儀揚言跟老公的關係上要慢慢學習處理，兩公婆床頭打交床尾和，總算雨過天晴。近日，吳嘉儀在IG再次「爆Seed」，今次大呻工作上的慘況，疑工作人員口頭承諾沒兌現，而且無禮對待，令她氣在心頭要打IG洩恨。
同場加映：孔德賢望年輕演員多磨練多進步 「作品唔可以抹走過去但睇到努力」
阿七昨日發文鬧爆幕後工作人員：「而家啲後生同事（希望係個別啦），啲態度、禮貌…？你叫人工作啲語氣好似命令咁，我好有禮貌喺訊息問佢詳情已讀不回。到我再主動搵佢確認時間，佢話原來明天唔需要我，改期。當初搵我（應承）做嘢咁有禮貌，而家我答應咗，髮都染埋等你約，就咁嘅態度。我做唔做都冇所謂㗎，工作嘅嘢睇意義、睇互相尊重，唔係睇你幾個Shows，你都可以搵過另一位Cast。」她特別用Hashtag澄清不是綜藝組同事，亦大嘆感慨，莫非是戲劇組？
不過隨後阿七刪走該Post，並再留言說：「呻完。做人做事有時都係唔好太認真喇！心底裡知咩事就算，或係直接將個名寫落小器簿。又開心返（番），大家互尊咪好好地囉，按章回覆。」其實阿七不是第一次公開談論公事，她曾經在IG突然澄清自己沒有請假沒有生仔，慘被屈推Job，令她氣憤在IG公開澄清。
阿七啖氣落咗之後，她似乎已經釋懷，她留言：「不用過分解讀，不用發酵，好好工作、好好生活。同我合作過嘅人就明，一係唔應承、一旦（應）承咗就會100%上心，能力做到嘅我會盡做。最大嘅回報係一班人做好一件事嘅滿足感。Input有冇人睇到唔係最重要，至少我心安理得，我敢言，亦敢於承擔。 #踏實上路 #我只係普通基層打工仔 #還夠資格公審人」
撰文：娛樂組
港生活人氣娛樂新聞
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
