林雪公開三餸減肥餐單狂嗌難食 健身教練KOL竟指麥皮冇益無助減磅

文: 程家健
2024.03.09

林雪近日積極減肥,在社交平台分享多條影片,除了做運動外,更有從飲食方面著力,似乎下定決心要重拾健康。林雪除了去公園玩步行器又挑戰玩健身滾輪外,他更公開自己的減肥餐,見他聲稱「減肥第一餐」有三味餸,分別是麥皮、腐乳和兩隻烚雞蛋。

同場加映:Gi-Force演唱會補場|炎明熹大學成績表比預期中理想 投入工作未Feel到有追求者

見林雪一邊食一邊面容扭曲,相當不享受,他說:「減肥第一餐,不過都係唔健康呀喇,食一嚿腐乳,食麥片,呢個就係午餐喇!以後餐餐都係咁!」然後他將腐乳放入麥片中,再試食後說:「嘩,好難食!好在有腐乳!糖心蛋,不過有排剝,下次叫人剝埋先,佢哋話雞蛋有益喎,唔知呀試下啦第一次!好難食...希望我頂得住啦!減肥減肥減肥!」

有網友就特別將林雪的情況Tag一位健身教練KOL Harrison Cheung(張殷瑞),他都特別有拍片回應林雪的減肥餐單,他直指「又冇益又減唔到肥」,原來麥皮並不是減肥佳品。Harrison一邊挑戰第103日浸冰水挑戰,一邊解釋說:「當中我係發現有啲問題嘅,佢減肥餐單係會食麥皮、腐乳同蛋。麥皮同大豆製品,之前我已經拍過片講冇益呀喇,希望大家可以去睇番,因為呢兩樣食物都含有植酸,有種物質叫抗營養素,佢會阻擋我哋身體吸收礦物質,例如鈣、鎂、鋅、銅、鐵,我都有同大家講(呢幾樣)對身體幾咁重要,當我哋食麥皮同大豆製品嘅時候,就會吸收唔到呢啲養份。」

對於Harrison指出大家對麥皮的誤解,他說:「點解話麥片有益呢?因為好耐之前,呢份研究報告係麥片同白麵包做比較,所有食物同白麵包做比較,都係十分之健康。白麵包有幾差,我之前都有講過。麥皮聲稱係可以降低膽固醇,但佢只能帶走我哋好嘅膽固醇,就係高密度脂蛋白,同時間係帶唔走我哋身體入面低密度脂蛋白,一定係食高脂肪食物先帶得走呀!麥皮含有好高碳水化合物,我會建議你食飯會健康過佢(麥皮)囉。林雪大哥係以減肥為目標,雌激素係會令我哋脂肪增加,減肥過程我哋好需要男性荷爾蒙,去增加我哋肌肉抵擋脂肪,如果再外來攝取雌激素嘅話,係減慢我哋減肥速度。」他更邀請網友將片段分享給林雪大哥。

撰文:娛樂組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓