要玩就玩大佢!香港巨型裝置遊樂場精選(2015夏更新)

文: 中仔
2015.06.09
我知,你係要玩丫嘛,我而家就同你玩大佢!喺連叫碟飯都越嚟越細碟嘅香港,大家最想要嘅就係空間,借問邊度有大型嘅遊樂場能夠釋放壓迫感?

潮流興巨型,除咗工廈有巨型遊樂場外,今年年底又有一個佔地廣闊大規模障礙賽活動,原來香港啲場大起上嚟都唔細。
  

第 1 站 BOUNCE 來自澳洲嘅彈床樂園!

香港又多個彈床樂園啦!之前港島區有一個,而家九龍區又開多個,跳到過海!BOUNCE源自澳洲,選址九龍灣國際展貿中心,預計最快7月中開幕,等你地可以嚟過一個「全新暑假」~

澳洲嘅BOUNCE一般設有閃避球區、籃球區、牆跑區(Wall Running)、自由彈跳區,另提供彈床健身(Bounce Fit) 、派對場地租用服務等。至於香港嘅BOUNCE,官方網頁仲未公佈詳情,不過相信設施大同小異,詳細留意下面條link啦。

開幕詳情請留意住以下網址:

http://hk.ulifestyle.com.hk/spot/detail.html?id=ABdGDVo3BwJZEQNv 

即睇全文介紹

第 2 站 Crazy inflatable Run 5K 瘋狂攀、爬、跳!

究竟呢個5K瘋狂障礙跑有幾瘋狂? 雖則佢唔駛你「入森林」、「上太空」或者「學新技能」,不過你都要狂「攀」、「爬」同埋「跳」!賽道總長5公里,而每半公里都會設置巨大嘅充氣障礙訓練埸,總共有成11款咁多,點跌點跣都唔痛啦,刺激又好玩!仲要一個人玩又得,成班老友一齊癲下亦得,得咗!
 
活動接受個人及公司團體報名,問問你公司想唔想join囉,睇住成班同事入去跣到攤攤腰都咪話唔開心! 

溫馨提示:雖然呢個活動11月先殺到香港,但小編相信好快會俾人報哂名!想知報名詳情就記得緊貼住UHK報道啦。
 
活動詳情(可以睇住條精華短片止住癮先!):
即睇全文介紹

第 3 站 THE BALL ROOM 全港首個腳踢桌球!

如果你仲以為桌球只可以喺枱上面玩,少年,你太年輕了。觀塘BALL ROOM最近引入歐美大熱嘅PoolSoccer,即係美式桌球加足球嘅混合體。以後要篤波?唔駛用que嘅,用腳踢就得啦!

其實PoolSoccer場地同普通桌球枱無異,實木框架、6個袋口位、綠色絨氈樣樣齊,只係個面積大好多,有成6米×3米;而且佢玩法多變,可以1對1,亦可以隊際式咁玩,加上規則幾寬鬆,基本上唔用手就得(踢白波都無問題!),以後踢波再唔係男仔專利啦!

溫馨提示:周末booking十分爆,6月頭打電話問過,最快都要7月中先有位,有心去玩嘅早啲book/揀閒日吧!

BALL ROOM價錢及預約方法:
即睇全文介紹

第 4 站 Hyperspace 大玩螢光泡泡足球

香港室內體育場有唔少,不過成個場都係螢光嘅,相信Hyperspace都係第一個。位於黃竹坑Hyperspace除咗有之前好hit嘅螢光泡泡足球 (NEON Bubble Soccer)外,仲可以玩閃避球、層層疊、飛天掃把「魁地奇」等。想再有FEEL啲,著埋件螢光衫玩都仲得,等你唔只「螢」,仲好「型」添!

吖如果大家唔想出汗,呢個逾萬呎嘅體育場其實都可以俾大家開party、畫art jam、搞gathering,咁就好動好靜嘅朋友都岩玩啦。

Hyperspace 唔接受walk-in架,所以記得盡早book訂場呢,乖~
 
Hyperspace地址及聯絡方法:
 
想喺黃竹坑玩成日?不妨睇下呢篇周圍遊:
即睇全文介紹

第 5 站 Ryze彈床樂園 逾萬八呎任你跳

第一站提到港島區都有個彈床樂園,如果你唔知係邊個,咁我而家話你聽:就係北角嘅Ryze Ultimate Trampoline Park啦!(個名太長,下稱Ryze)

Ryze係全亞洲首個工廈內嘅彈床樂園,喺2014年暑假開幕。場內面積 18000 呎,大致分彈床區、閃避球區、籃球區、鋼綫區及跳遠區5大區。雖然話就話分咗5大區,但大家其實都可以無厘頭咁周圍彈,順便彈走埋啲脂肪,邊玩邊keep fit,爽呀!
 
Ryze彈床樂園地址及購票詳情:
即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送00旅行資助金💰↓

↓ 領取資助金,用

去玩不是夢~↓

↓ 領取資助金,用<div class=
去玩不是夢~↓" width="480" height="150">

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓