熱愛優質生活

薄扶林到黃竹坑 遊走南區食玩影相勝地

2016.01.07

講起南區就只係諗起海洋公園同珍寶海鮮舫?咁你對南區的認識實在係太少,今期周圍遊就帶你遊走南區,從薄扶林走到黃竹坑的食玩地點,影出文青feel靚相,再平價食甜筒Pizza同地道泰國菜。

薄扶林到黃竹坑 遊走南區食玩影相勝地 

第 1 站 薄扶林村 尋找香港歷史痕跡

南區周圍遊由薄扶林開始,走入有二百多年歷史的薄扶林村,作為香港僅有的寮屋區,擁有多個歷史遺跡,李靈仙姐塔、草廬、牛奶公司職員宿舍等,全部都充滿故事。

村內有不少由村民所經營的小店,如改衣店、雜貨店、小街市和酒樓等,親民街坊價,處處可見小社區的人情味。薄扶林村更於2014年被列入世界文物建築基金會的監察名單,實在值得一遊!

第 2 站 數碼港海濱長廊 大草地野餐影相hea一日

來到南區,怎可以不去數碼港海濱長廊呢!

人流少空氣清新,對開大海風景,環境寧靜,最適合放狗、散步,令人心曠神怡。附近還有大片草地,可以相約三五知己野餐影相,度過一個簡單的下午!

第 3 站 瀑布灣十米瀑布 影出異國風情靚相

平日影文青feel靚相,離不開草地和大海,影得都悶。原來香港華富邨有一條瀑有,都可以影出異國風景照!

瀑布位於瀑布灣公園內,瀑布風景絕美,對出就是一望無際的大海,南丫島的風景清晰可見,吸引不少攝影愛好者到此取景;可惜近年通往瀑布灣的路已被圍欄封上,禁止內進,但遊人仍可離遠觀看瀑布。附近更有燒烤爐,BBQ之餘,還可以影輯靚相!

注意,瀑布水流急速,不宜於風雨過後或獨自前往。

第 4 站 香港仔田灣小食店 自私食甜筒pizza

Zeezee Pizza Cone位於香港仔田灣街角,位置偏避不起眼,容易被人錯過。

小店專賣甜筒Pizza,有9種味道選擇,Pizza為一人份量,邊行邊食都無開題。甜筒Pizza即叫即整,有大、細兩種size選擇;另亦有炸雞和薯條提供,香脆惹味,值得一試!

第 5 站 南朗山道熟食市場 平食地道泰國菜

最後一站當然要食餐好!近年黃竹坑工廈新開了幾間靚Café,吸引不少人專程前來覓食,其實黃竹坑內還有一個熟食市場,裡面都有很多隱世美食!

小編每次去到南朗山道熟食市場,都會食這家青咖喱屋的泰國菜,小店以家庭式經營多年,有一定數量的街坊捧場。必點食品包括泰式白灼獅蚶、馬拉盞炒通菜、泰式鮮蝦炒金邊粉,每碟價錢只係$45-$55 ,抵食好味,最後飲杯啤酒作結,這個假期好完美!

內容評分
評語