【年宵2019】旺角年宵花巿現場直擊!遊戲/美食攤位/豬仔造型精品

文: Eunice Lam
2019.01.30

農曆新年就到,而2019年宵市場正式開鑼啦,今年年宵市場會在1月30日至2月5日舉行,一連7日。旺角/深水埗花墟公園年宵市場每年都是其中一個香港人行花市的熱門地點,花墟公園年宵市場今年有180個攤檔,乾貨區就佔了84個。今年係豬年,當中有好多攤檔都以豬做主題,同大家率先行旺角/深水埗花墟公園年宵市場,睇下有咩年宵貨品值得買啦!

第 1 站 37號攤檔

主要售賣各款好運風車,包括:身體健康、生意興隆、合家平安、百業興旺、學業進步、心想事成、財源滾滾、萬事如意等,仲有好多得意豬仔風車添!

第 2 站 57號攤檔

由社企主辦的攤檔,由中學生設計豬仔攬枕及豬仔風車揮春,更會有長者、年青人及殘疾人士輪流開檔,值得大家支持!

第 3 站 44號攤檔

主要售賣豬仔產品,有超得意豬耳仔帽及兔耳仔帽,戴上頭到一按耳仔就會郁!另外,亦有豬仔暖手枕、豬屁股暖手枕、豬仔利是封等。

第 4 站 51號攤檔

同樣以售賣豬仔產品為主,推介布甸豬仔攬枕,可以拉開,入面有8隻豬仔,超可愛!亦有其他豬仔公仔,大家不妨去睇下啦。

第 5 站 62號攤檔

這檔有影相位,可以拎著有吉祥字句的豬仔紙牌影相,如大豬大利。產品方面就有巨型豬手攬枕、豬耳朵及豬公仔等。

第 6 站 36號攤檔

九巴攤檔售賣多款巴士車仔,有特意為豬年設計的豬仔巴士,祝大家2019豬事順利!其他產品包括:印有九巴圖案的水樽、風車、車長制服水樽套等。

第 7 站 20號攤檔

這檔由聖文德書院的學生經營,主要售賣豬仔產品,有豬仔暖手枕、公仔、三隻小豬擺設等,大家去行年宵時不妨支持下啦!

第 8 站 30號攤檔

這檔「豬肥屋潤」售賣多款自家設計的豬仔錢罌,每款豬仔錢罌都有不同搞鬼造型,以及印上不同祝福語,如掌上明珠、豬事順利、豬肥屋潤、我愛豬妻等。仲有豬仔風車售賣,可以招財及桃花!

第 9 站 11號攤檔

這檔有得玩遊戲,可以掟飛標及拋波波,勝出者可以獲得不同禮物,有大獎、二獎及安慰獎。禮物包括豬仔攬枕、豬耳仔帽、公仔、文件夾、書籤、環保袋等。

第 10 站 小食攤檔

行完年宵肚餓的話,可以去小食攤檔醫肚,共4檔攤檔,提供多種小食,如牛柳粒、魷魚、串燒、鮑魚撈麵、台灣腸、玉子燒、大阪燒等,連甜品如芋圓糖水、豆腐花、梳乎厘都有,好吸引啊!

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓