九龍新界6大閨密影靚相餐廳推介 治癒羔羊/一日之間/花說

文: Toby Mok
2019.03.09

好多人週末都喜歡同朋友或者閨密們去食嘢放鬆一下,同閨密去當然最好就是環境靚、食物外表吸引可以影相打卡,今次就為大家介紹6間適合閨密去影相打卡的餐廳,包括有荷華庭園景、只zi、屋子空間等等,一齊睇吓各種餐廳有咩推介美食、詳細地址同營業時間!

第 1 站 治癒羔羊

治癒羔羊為文青風格的樓上Café,咖啡店以木制家具和各式植物作裝飾,十分簡約,每個角落都精心佈置過,感覺果然非常治癒。適合約埋一班閨密一齊放鬆聚會。Café主打各式甜品和輕食,包括玫瑰花千層蛋糕、黑糖珍珠窩夫、芝士焗薯等等,有興趣可以去試吓,按下圖睇Café咩樣先!

地址: 長沙灣福榮街344-348昌發工廠大廈D座9樓8室 

營業時間:星期一至日12nn - 7pm

即睇全文介紹

第 2 站 一日之間

店舖位於南豐紗廠,以輕食料理為主打,以純白簡約風設計配搭復古家具擺設,環境清新而舒適。Café主打各式甜品和輕食,例如南瓜濃湯稻庭烏冬($88)限定每日1pm至3pm限定供應,配上冰凍的百里香檸檬梳打($50)就最好不過。每日更會有不同款式的甜品供應,如士多啤梨蛋糕($55/件)。

地址:南豐紗廠103號店

營業時間:12nn-6pm(逢星期三休息)

即睇全文介紹

第 3 站 花說

花說是一間以粉嫩少女系的主題cafe,店內售賣多款外表精緻的食物,裝修以粉紅色為主,包括有柴犬朱古力($52)、雲石富士山蛋糕($52)等等,全部都十分可愛,適合同閨密一齊去打卡影靚相,按下圖睇仲有咩食。

地址:長沙灣福榮街565號地舖

營業時間:12nn - 10:30pm(星期二休息)

第 4 站 荷華庭園景

荷華庭園景餐廳,以自然園林景色為主,戶外靚景有木屋、花亭、池塘及小橋,戶外用餐區環境寬敞,設有多個庭園盆景,可以坐木屋及池塘邊歎美食,亦設有不同主題的涼亭,餐廳設有午餐套餐,包括頭盤及主菜,有飯及意粉等選擇,喜歡戶外靚景的朋友可以約閨密去影相嘆美食。

地址:大埔林村放馬莆43號地下

營業時間:星期一至日:11am-11pm

即睇全文介紹

第 5 站 屋子空間

屋子空間以純白色日系簡約設計為主,售賣多款美食同飲品,cafe有4層高,以全白色設計,外型非常矚目,吸引不少文青專程到訪!咖啡店多以輕食為主,山葵麻婆豆腐溫烏龍麵($69)、清酒香梨荔枝小鬆餅($58)、草莓抹茶牛奶($42)等等,咖啡店3樓為美甲店,而4樓不時仲會舉行工作坊,大家唔去食輕食都可以去玩吓。

地址: 大圍村9街12A

即睇全文介紹

第 6 站 只zi

Café室內環境設計簡約舒適,另有戶外座位,同樣有靚景,適合同閨密一齊影靚相。店內招牌食品是明太子貓耳朵($92),貓耳朵粉口感煙韌,配上一粒粒的明太子和香濃醬汁,口感更豐富。店內仲有不少特色飲品,自家製玫瑰草莓梳打($58),賣相吸引。另外仲有燒棉花糖鮮奶焙茶($62)和燒棉花糖鮮奶抹茶($62),兩款都有濃郁茶香。當然仲有其他輕食同甜品啦,按圖睇詳情。

地址:尖沙咀加連威老道66-76號威華大廈4樓402室

營業時間:星期一至四、日:12nn-10:30pm/星期五至六:12nn-11pm

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓