【太子美食】甜品網店開實體店 太子歎煙韌五色芋圓糖不甩/糖水

文: TenTen
2018.06.16

「芋圓圓」本來只在網上經營,數月前在太子開設實體店,有不少街坊棒埸,甜品控以後想食芋圓時就更方便!「芋圓圓」,主打各款自家製芋圓,芋圓除了傳統的紫薯、芋頭和蕃薯口味外,還有抹茶和芝麻味,五色芋圓味道夠特別!

「芋圓圓」店內貼有經營網店時媒體/Foodie的介紹~

芋圓每日新鮮製造,天然無添加,十分足料。

芋圓糖不甩($28*另加$2有抹茶和芝麻味芋圓各兩粒)

芋圓煙煙韌韌,配花生椰絲食好創新。

花生椰絲都是自家炒香(單買$8),但略嫌蓋過芋圓原本的味道。

桂花雪梨海底椰糖水配芋圓($28)

糖水好清甜,有陣陣桂花清香。

香芋椰汁西米露配芋圓($28)

芋圓味道好突出,越咬味道越濃郁,小編真心推介!

西米露啖啖椰香味,還食到粒粒芋頭。

黑糖桂圓紅棗糖水配芋圓($28)

芋圓Q彈軟糯有咬口。

黑糖的味道跟蕃薯、芝麻味芋圓特別夾,微甜甘香。

糖水有好多配料,如桂圓肉、雪耳和紅棗,好滋潤。

未夠喉的朋友亦可購買生芋圓在家中烹煮,自己配搭自己喜愛的糖水。

綜合五色生芋圓($66/300克;$83/400克;$98/500克)

芋圓煮3分鐘左右,浮面漲起後即可食用,可存放在雪櫃1個月。

*另有綜合三色生芋圓可選。

小店出品的芋圓質素頗高,店主亦樂於跟客人介紹各款甜品和分享心得,愛食芋圓的朋友值得一試!

IG網店:sweet_taro_taro

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓