試玩WeChat Pay HK「畫圖利是」 儲印花+換電子現金券（內附最新購物優惠）

完成畫圖利是任務  儲印花換電子現金券

喺WeChat內向朋友派利是，相信好多人都試過，計我話其實唔一定喺農曆新年先派利是嘅，隨時向朋友派利是令朋友仔開心都得㗎。早前WeChat Pay HK推出嘅「畫圖利是」功能，仲可以挑戰朋友畫功，睇住朋友畫嘅有趣畫作，心情唔好都立即爆笑起來。晌試玩畫圖利是function畀大家睇之前，先講下點解要立即玩，皆因係有優惠㗎，梗係要早玩早享受啦！

而家派畫圖利是嘅善長人翁只要收集夠指定數目嘅畫作（通常係3或5個），就可以攞到印花。每集齊3個印花，即刻換到一張HK$5電子現金券，喺推廣期內每位用戶最多可換取3張HK$5電子現金券，晌全港支援WeChat Pay HK嘅指定商戶消費滿HK$10時使用。

提提大家，呢個儲印花換電子現金券嘅活動係期間限定㗎！重要事情講多次：儲印花換電子現金券活動係由即日起去到7月17日，電子現金券嘅有效期就係獲贈當天起計7天（包括首尾兩天），唔記得用過咗期就自動失效不獲補發㗎喇，所以即刻搵朋友玩立馬儲印花換電子現金券，齊齊早畫早享受啦！

打開優惠專區喺精選優惠，搵返「發畫圖利是攞印花」嘅banner就可以睇到要挑戰嘅題目，人人不同。同時又可以睇返自己嘅儲印花進度。

只要有3或5位朋友完成畫圖利是，就可取得該任務嘅印花，集齊3個印花即可換領HK$5現金券，最多可換領3張。

畫圖利是大挑戰！捉到神髓 簡單畫兩筆都可過關

想即刻派畫圖利是方法好簡單，打開WeChat同朋友對話嘅版面，喺下方嘅選項點選「利是」，輸入金額後就可以選擇「畫圖利是」功能，然後就可以揀題畀朋友，當中由低難度嘅T恤、咖啡杯到高難度嘅瑜伽、蒙羅麗莎等題目都有。朋友收到你發出嘅挑戰，就可以即刻畫圖回覆，畫作會被系統嘅AI功能鑑定是否畫得似，通過鑑定就可拆利是攞錢，基本玩法就係咁簡單。

唔好以為朋友畫畫唔靚，就會好沮喪，會攞唔到利是，因為AI鑑定並唔係因為畫到天花龍鳳而決定過唔過到關，而係要畫出題目嘅神髓！我哋試玩時發出巴黎鐵塔題目畀朋友，去過多次巴黎嘅朋友，畫埋兩層觀景台同塔尖嘅射燈出嚟，以為一定過關啦，點知複雜得滯失敗咗；但係另一位朋友坐車時撩咗個A字加兩條橫線，卻成功通過AI鑑定估佢唔到喎！又例如另一條題目係直升機，但朋友嘅畫似一條鯨魚多啲囉，又畀佢過到關，所以畫得簡單但中point先係呢個畫圖利是嘅王道，玩得愈多就愈發掘到笑點！

打開朋友嘅對話版面，從下方嘅選擇點選「利是」。

跟住同平常派利嘅步驟一樣，先輸入利是金額。

然後可選擇全新嘅「畫圖利是」，出題後即可向朋友發出挑戰。

朋友收到利是邀請後，打開就會發現係畫圖利是挑戰。

朋友根據題目畫圖，由系統AI鑑定後若畫得似就可拆利是攞錢。

唔一定要畫得靚先可以拆利是，圖畫符合題目嘅神髓，都可以通過AI鑑定拆利是。

收到題目係「蒙娜麗莎」，朋友hea圖一個畫框加火柴人都成功過關，所以話畫功唔重要，神髓先係重點！

小貼士：群發message齊齊畫 儲印花更快手

想同朋友拿拿聲賺取現金券，提提大家不妨一次過喺朋友群send畫圖利是邀請，派利是嘅朋友可以選擇每封利是嘅金額係定額定隨機分配，仲可以睇到其他人嘅畫功，互相取笑一番，唔使cap screen轉發勁好玩，同時一次集齊印花，成班friend玩一陣就可以齊齊賺到現金券喇。

喺朋友群中發出畫圖利是，可以睇晒群內朋友嘅畫作，齊齊笑住玩兼拆利是。

最新合作商戶 全線惠康、Market Place by Jasons都用得

拎咗電子現金券，喺任何WeChat Pay HK所有支援商戶即可使用，消費滿HK$10就可以扣錢，當中包括各大連鎖快餐店、中西日韓餐廳、百貨超市便利店、家品電器舖、便服鞋履專門店等等；甚至乎係經常用到嘅智能櫃、日常交通都可使用。合作嘅品牌全港有過百個，商店過千間，一App在手即可享受電子消費嘅方便。

WeChat Pay HK嘅合作商戶仲愈來愈多，好似5月尾開始香港所有惠康、Market Place by Jasons超市都已經正式加盟，買日常用品、優質美食都可以用App畀錢，唔使接觸現金咁麻煩又可加強防疫，晌呢個抗疫時刻真係好重要啊。

資料由客戶提供