掟彩虹砸界！Namco出動強大電視判斷獲讚專業好公道：VAR睇得清楚冇得嘈
掟彩虹中獎與否經常成為爭議話題，有玩家更曾試過因為質疑店方判斷「砸界」而報警。近日就有網民留意到，有玩家在Namco大玩掟彩虹遊戲時，店員使用超強「大電視」判斷賽果，獲大批網民勁讚好專業之餘，更指「堅過英超VAR」，經放大的高清影像令賽果變得更加公道？不過相關操作早於多年前已經有店家採用。
掟彩虹砸界｜Namco大電視判斷賽果獲讚專業 網民：堅過英超VAR
近日有網民在社交平台上載一段影片，顯示有市民在位於大圍圍方的室內遊樂場Namco大玩掟彩虹，有玩家一度掟中藍色內圈，職員隨即暫停遊戲，並且即場開啟大電視「對獎」。
點擊圖片放大
相關文章：
從片中可見，職員開啟電視後，便以一個透明膠盒蓋向硬幣所在位置，拍片網民不禁大讚「非常認真」，雖然電視機中最終顯示「砸界」而未有中獎，不過認真判斷獲圍觀市民大讚，樓主更留言指「Namco嘅封牌上訴，真係堅過英超VAR」！
▼影片截圖▼
影片在網上瘋傳，有不少網民均認為員工專業，認為「有VAR睇得咁清楚就冇得嘈啦」、「咁樣幾好，起碼知道賽果」，笑指「大大個電視真係一條頭髮都唔會蝕畀你」、「差啲以為係骰盅，以為佢cup咗落去之後會起勢咁搖」。有網民則將Namco與美國冒險樂園對比，認為「「呢啲公道」、「冒險樂園真係輸曬」，不過其實後者早於多年前已經有運用大電視判斷賽果，不過今次店方所示畫面相當高清，變相更加容易避免出現「誤判」。
▼網民留言▼
資料及圖片來源：Facebook@慈雲山資訊交流
港生活人氣好去處
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
