啱啱過咗立夏，有唔少朋友都要喺戶外或者無空調嘅環境下工作，夏天都真係會好容易中暑，嚟緊下周一勞工處會推出《預防工作時中暑指引》及工作暑熱警告，好似暴雨警告咁分為黃、紅、黑三級別，當中仲建議喺黑色警告下，搬運工人同紮鐵工人都要暫停工作呀！除咗戶外工作人士及有關僱主要留意之外，大家要進戶外活動嘅時候都值得參考呀！
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============
勞工處宣布將於下周一（5 月15日）起推行《預防工作時中暑指引》及工作暑熱警告，以提醒僱主及僱員採取適當措施，以預防喺酷熱天氣下或高溫環境中工作而引致中暑。當中包括喺戶外、喺無安裝空調系統嘅室內地點，以及喺熱源或發熱設備附近嘅工作環境。僱主須就不同警告級別，安排工人休息時間或暫停工作。
根據指引，勞工處會基於暑熱指數（係香港天文台與中文大學醫學院共同研究，基於濕球黑球溫度指數發展出來嘅熱壓力指數，香港暑熱指數嘅計算程式包含了環境溫度、濕度、空氣流動及太陽熱輻射水平等氣象數據及本港整體入院數字以作考量，能適當地反映香港整體市民因熱壓力構成的健康風險）發出的「工作暑熱警告」，共有3個級別，分為黃色、紅色和黑色。當暑熱指數介乎30到少於32，「工作暑熱警告」為黃色，表示部分工作環境的熱壓力頗高。指數介乎32到少於34，警告為紅色，表示部分工作環境的熱壓力甚高。至於指數達34或以上，警告為黑色，表示部分工作環境的熱壓力極高。警告生效後至少會維持1小時，其後每隔1小時自動更新或取消，若期間暑熱指數上升至更高級別，將發出更高級別的警告信號。
勞工處會根據暑熱指數，發出分為黃色、紅色和黑色嘅「工作暑熱警告」。
黑色工作暑熱警告下，搬運工人同紮鐵工人都要暫停工作！
市民可透過「香港政府通知你」及「我的天文台」手機應用程式，接收有關工作暑熱警告的信息。警告信息同時亦會透過政府新聞公報、香港天文台網頁及各大媒體發布。
喺黃色警告下，例如紮鐵工人等「極重勞動」性工作，要每工作15分鐘，休息45分鐘，搬運工人等「重勞動」性工作，要每工作30分鐘，休息30分鐘。紅色警告下，紮鐵工人等「極重勞動」工作要暫停工作；如果情況嚴重至黑色警告，就連搬運工人等「重勞動」工作、紮鐵工人等「極重勞動」工作都要暫停工作。而工作指引亦指出為預防員工中暑，建議僱主要喺工作場地提供充足清涼飲用水，一般應向員工提供每小時約250至500毫升，以及應該畀員工可以喺步行唔多於10分鐘嘅環境下就取得所需的飲用水。僱主亦應該為長時間從事戶外工作嘅員工，設置上蓋或遮擋陽光嘅遮蔽處，儘量減少員工吸收熱輻射。
根據建議，喺黃色工作暑熱警告下，例如紮鐵工人等「極重勞動」性工作，要每工作15分鐘，休息45分鐘。
黃色警告下，搬運工人等「重勞動」性工作，要每工作30分鐘，休息30分鐘。
指引建議僱主應該為長時間從事戶外工作嘅員工，設置上蓋或遮擋陽光嘅遮蔽處。
指引亦建議僱主要喺工作場地提供充足清涼飲用水，仲要員工可以步行唔多於10分鐘就飲到水。
【INFO】
《預防工作時中暑指引》
網址：https://www.labour.gov.hk/common/public/oh/Heat_Stress_GN_tc.pdf
text/Joyce
photo/HKET圖片庫、政府新聞處圖片
」，
App內睇文同睇片可隨時捕捉U Fun彩蛋，
換領現金券及禮品！
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
