有意買樓上車人士要注要喇！房屋局剛公布，將會重啟暫停咗十多年嘅私人參建居屋先導計劃「樂建居」，並以市價65折出售！一向以來，私人發展居屋嘅質素比政府興建嘅居屋單位高，位置亦相當不俗，日後喺買賣市場嘅升值潛力亦相當好，樓王如鰂魚涌嘅康山花園、筲箕灣愛蝶灣、九龍灣麗晶花園及屯門龍門居等。究竟嚟緊「樂建居」選址喺邊度？單位面積有幾大？申請資格係點？
============
同場加映：
【家居達人】潮濕天氣保養鞋履6招 著2日擺3日？塞報紙免發霉！
============
政府喺早前嘅《施政報告》出已經提出重啟私人參建資助房屋計劃，邀請發展商喺私人土地上發展居屋。房屋局稍後發布話將呢個新計劃命名為「樂建居」，喺記者會上，房屋局局長何永賢指出，政府喺本年度起會推出3幅政府用地，包括率先於今年底推出東涌第122區一幅已平整用地，以及明年首季推出柴灣祥民道一幅未平整用地，予發展商招標興建私人參建居屋項目，預計分別提供1,600及700個單位。另一幅地皮地點未定，會視乎發展商反應，暫定於2025年推出招標。估計柴灣用地嘅房屋單位會最快落成，大約需時4至6年。
東涌第122區用地興建嘅私人發展居屋，預計會提供1,600個單位。
柴灣祥民道用地附近為東區尤德夫人醫院，提供約700個單位，屋苑預計將於4至6年後完成。
單位面積至少280呎 7 成單位375呎以上
近年嘅新居屋單位，有唔少面積極細嘅納米樓，但何永賢指出會喺地契，列明今次私人發展居屋興建單位嘅面積下限，實用面積至少要有280呎，以及至少7成單位實用面積要有375呎或以上。售價方面，何永賢指，事先訂明採用市價35%嘅固定折扣率，即單位以市價65折發售，補地價係市價三分之一。
今次樂建居單位，並無納米樓，規定面積至少要有280呎，7 成單位要有375呎或以上。
而今次「樂建居」項目嘅單位，完全由發展商自行負責銷售，政府及房委會唔會「包底」回購賣剩單位。售價方面，發展商根據市價樓價作出估價後，會將報價單交畀差估署評估，最終由房屋局局長批核。房委會並規定發展商要喺制定時限內推出單位，事前要聘請獨立檢查人士為樓宇驗收，以確保單位質素。
何永賢指，「樂建居」嘅購買資格及轉讓限制等，將採用與居屋相同嘅標準，亦會包括如家有長者計劃等。如發展商透過「私人土地形式」興建，希望協助特定目標群組置業，或其他微調買家資格嘅做法，均須獲得房屋局局長審批。
房屋局局長何永賢指出樂建居購買資格，將與居屋相同。
樂建居規定以市價65折發售，發展商訂價後需交畀政府再評估及批核，而日後業主轉售規定，亦將與居屋相同。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
