有個好鄰居，真係好緊要，但電視節目《東張西望》入面，有班元朗村屋屋苑居民投訴，話有個住客好鍾意周圍執啲嘢返嚟賣，但好無公德心咁將啲嘢放晒喺屋外公共地方，更堆積至接近半個人身高，唔止連車輛出入都有困難，惡劣環境仲養到蚊蟲滋生、老鼠橫行，對住呢個垃圾山，究竟同屋苑居民可以點樣做？
============
同場加映：
【家居達人】易潔鑊8大迷思 塗層致癌？刮花可回收/翻新？
============
有元朗雅仕花園居民向《東張西望》報料，話屋苑中有居民好鍾意周圍執啲嘢返嚟賣，但彷如日日將垃圾帶返屋苑一樣，最擾民嘅係呢位住客會將「雜物」放出屋外公共地方，以前都會一個月或一星期清理一次，但近兩年愈執愈多，又唔清理，堆放至通道甚至停車場，條路窄到幾乎車都過唔到，居民擔心萬一有事需要救護車前來而車入唔到嘅話，就大件事！居民仲見到有老鼠喺呢堆垃圾處走來走去，同時雜物又阻塞去水位，搞到全屋苑一落大雨就積水，兼惹來好多蚊。受影響最大嘅係樓上住客，不單每日出入都要經過長達幾十米嘅垃圾路，更加長期唔敢開窗，有時更要一日用一枝殺蟲劑。去年9月曾經有政府部門來清理，但今年4月又死灰復燃。鄰居葉生終於忍無可忍採取行動，搵夾車嚟清走垃圾，點知垃圾屋主忽然現身，不單質問葉生點解要搬走啲嘢，仲鬧葉生「你豬狗不如，我唔同隻狗吠」！製作組搵唔到有關屋主回應，居民都希望政府可以介入幫忙解決。
怪人居民將私人雜物堆放喺公共地方，有居民每日出入都要經過長達幾十米嘅垃圾路。
「垃圾山」嘅高度，約有半個人高。
「垃圾山」已經堆積到影響到車輛出入嘅程度。
鄰居葉生搵夾車嚟清走垃圾，點知垃圾屋主忽然現身，不單質問葉生點解要搬走啲嘢，仲鬧葉生「你豬狗不如，我唔同隻狗吠」！
text/Joyce
photo/電視節目截圖
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
