近日本地飲食生意未及預期，有網民於網上發表看法，批評香港大部分飲食從業員「心態老化」、「沒改進過」，更直指老一輩經營的餐廳菜單數十年不變，反而懂得利用Marketing（市場營銷）的餐廳就愈賺愈多，引來開店逾10年的茶記老闆親自發文反駁，不但親露疫後經營變化，更指「老字號執笠因心灰意冷」。
近日有網民於社交平台群組發帖，批評香港餐飲業不思取進，不只是餐廳服務、味道質素等是否合格，但認為大部分在香港飲食從業員「心態都好老化」、「沒改進過」、「個餐牌幾十年都冇變過」，尤其是老一輩從來沒有想要生意進步，認為若不改變思維及心態，「真係摺左佢好過」，反之覺得「有唔少唔好食，但Marketing同生意手法高明的」，就愈做愈賺錢，惹來大批網民討論！
老派茶記老闆親述經營實況：決定餐牌的是成本
其中有已經營一間超過10年茶餐廳的老闆，看完有關批評後遂寫下近千字留言，反駁有關言論。首先他指出，自從新冠疫情後，香港消費模式完全改變，以前仍會有宵夜市場，「但而家旺區都無人，9點後水靜河飛，的士司機都無生意嘅情況下，餐廳點會旺」，而餐廳改變餐牌的做法過往已有不少人做過，反問「成功嗎」？他續解釋：「從來決定餐牌唔係營運者，係成本，有啲成本係營運者先會計，好似電費貴咗4至5成，電費每月由6萬變10萬（4-9月），食材畀人搶貴哂，好難變到一啲新嘅野。」
老字號結業大部分並非無生意 而是「心灰意冷」
其次，他指餐廳廚房師傅青黃不接，「而家廚房嘅師傅大部分係（加熱師），一啲大型連鎖餐廳行中央廚房，所有食物預先做定，物流去餐廳再加熱」，歸根究底都是因為成本。他坦言並非不想改變，「大公司一定可以變，但係叫佢賺少啲得唔得？佢一定唔制！所以唔變囉，橫掂佢都唔係想做本地人生意，話知你」，然而大部分老字號結業並非因為無生意，而是「心灰意冷」。
餐廳要有生意跟風做小紅書 惟本地人「有腰骨」從未變過
「本地嘅文化同以前唔同哂，以家想有生意首先要做咩？小紅書啦，代表咩？即係話而家本地餐廳生意梗本唔係做香港人生意，連土砲餐廳個目標都唔係本地人，可以做得有幾好？」他認為，本地服務業一直都有改變，態度亦有改善好咗架，「但最衰兩個字（骨氣），本地人有腰骨呢個核心從未變過」，只是以前本地人怨氣相對較少所以好快無事，「點解而家咁重怨氣就大家心照」。文末他又語帶嘲諷指：「marketing係而家餐廳最重要嘅，其次係服務，最後先食物」。
貼文引來大批網民熱讚，不少網民認同餐廳老闆說法，直言外行人看行內是完全「紙上談兵」，認為最終依然是成本問題，「間鋪要做到唔執、地點人流為主、你開係山旮旯又點會有人去？但人流旺、租金又點會平？除非間鋪你買左姐」、「好既廚師就係對每道菜每個味道有執著，先會每次呈現最好既喺你面前呢，如果要迎合呢個市場而變得無左自我特色，我寧願被淘汰」，認為除了包裝，味道質素才是最重要。
資料及圖片來源：FB@香港茶餐廳及美食關注組、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
