自通關後，部分本地食肆假日都「拍烏蠅」，被指收費貴、服務差等不在話下。近日網上就有一張「不留港消費圖」遭網民瘋傳，稱一圖解釋港人不幫襯本地餐廳食肆的4大原因，同時狠批在港消費猶如食「監獄飯」，惹來熱議。
最近有社交平台頻頻出現一張「不留港消費圖」！有網民透過群組上載一張西餐廳的收費價目表，並認為該圖解釋了在香港消費用膳「有幾差」，並列出近年不願幫襯本地餐廳的4大原因。
▼網民列4大原因▼
從相中可見，餐廳設有90分鐘限時用餐，最後下單時間則為交枱前半小時，引來不少網民不滿，有人怒斥「90分鐘入座即計時，30分鐘前截單，食來做乜」，更直言「黐X線，監獄飯咁」；有網民則認為，現時香港有很多餐廳均設入座限時，食到趕頭趕命，「咁多規條， 入去守行為咁」，「所以香港食肆冇生意係有原因嘅」。
▼餐廳價目表▼
點擊圖片放大
至於收費方面，餐廳設最低消費，分別是$330/2人、$600/4人、$800/6人，以及$1000/8人，人均最平為$125，因此亦有不少網民抨擊樓主，認為西餐廳而言收費不算昂貴，反而覺得「平過全世界」，「$200一個人都唔洗，你想坐幾耐，坐一世？」
點擊圖片放大
另外有網民亦撐食肆，「其實90分鐘點會唔夠時間」、「有啲限時70分鐘，不只節日是這樣，係每日都是」，而且餐廳特意列出清晰指引，在入座前提醒顧客的做法合理，「門面又寫到明，唔係埋單先講」，如若不願光顧，不如「互相放過」，可以轉往其他選擇。
▼網民咁講▼
資料及圖片來源：FB@香港茶餐廳及美食關注組、FB@飲食黑店大全(全港食店質素/價錢/服務關注組)、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
