藝人Maria Cordero多年前更因為佢signature嘅龐大身形而有肥媽嘅稱號，新一代分分鐘以為佢姓肥名媽。不過其實肥媽有一段長時間曾經激瘦變成「索媽」，日前佢就喺社交平台分享佢嘅減肥心得。
肥媽喺片中發揮佢演講家魅力，袋錢落大家袋，佢提到自己21年前曾於4個半月減咗80磅，分享咗三大心得點樣可以飽住瘦，仲教大家一個妙法點先可以易飽啲。
同場加映：12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重
肥媽教大家食印度米，指印度米含糖量唔高，另外煮米時煮多啲蔬菜飽肚同幫助消化。第二，肥媽就自稱「發明」水煮法，用水代油，滴油不沾亦唔會食糖。佢又話出街食嘢係可以，但就要知有咩可以食咩唔可以食：「雲吞麵係食得嘅，但就叫佢唔可以擺鑊尾油（菜餚上碟後在其表面淋上些許熟油，以增加其光澤）；去食油菜唔好擺蠔油；蒸魚成條食都得，但唔好撈汁；食漢堡包得，唔係芝士漢堡，淨漢堡，成個包連埋牛肉食都得，但就唔可以食炸魚魚柳包。」
肥媽又道出中國人一個飲食習慣好易肥：「我哋中國人食嘢最快係對筷子，最肥。你攞咗一隻碟，嗰日要食咩，一次過擺，你擺完之後會覺得：『我食唔食得到咁多？』你就會拎開佢，唔可以夾第二次。我哋中國人食嘢最快係對筷子，最肥，你根本唔知食咗幾多；如果你夾晒落個碟，你知道咁大碟唔得，你睇到自己食幾多嘢，淨係食你碟嘅嘢，你就容易減到。你用眼食咗先，食你就會覺得飽。」
肥媽體重高峰期的數字是二百磅，入娛樂圈後食飯不規律，肥到「落樓都睇唔到樓梯」。21年前佢喺數月內成功減磅，佢表示當時都冇諗減肥，但就經常有減肥公司搵佢代言，佢就表示除非畀佢100萬現金。後來真係有人將100萬現金打入肥媽銀行戶口，肥媽決定一試。肥媽學到唔係過分節食，而係計算卡路里。後來，喺佢照顧下連全家人飲食都健康起來。
唔少網民都大讚「瘦媽」睇落又健康又索，大讚佢提供嘅方法令人可以持之以恆，又拎最近都減肥成功嘅細細粒陳嘉佳比較，話肥媽嘅方法健康得多！
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
