港男打工8年見盡職場辛酸 列4件事感嘆香港職場生態:真係可以去得好盡...

文: 黃樂恩
2024.03.26

香港打工仔出名搏到盡,不管是颱風天的交通阻塞,或是家中有白事、開刀做手術,都依然是諗盡方法去返工?最近就有打工仔網上發文,指自己曾在香港工作了8年,在職期間有4件事情讓他感受相當深刻,他看見身邊的同事日日瘋狂OT、放大假都會處理公事,就連開完刀第二日都會即刻返工,讓他不禁感嘆道,「香港工作耐咗,好多人都會慢慢變得唔正常!」

日前(25日)LIHKG討論區上,一名從事工程行業的網民以「係香港做咗8年嘢,有四單嘢令我感受好深」為題發文,他表示自己在香港一間外資公司工作8年,卻發現港人返工「真係可以去得好盡」,同時又感嘆在香港工作久了,「好多人都會慢慢變得唔正常」,並在文中列出4件讓他感受最深的事情:

1. 開完刀第二日即刻返工

有同事在返工期間暈倒,當時即刻送到醫院,才發現是急性盲腸炎引致,「開刀第二日佢叫老婆嚟公司拎部電腦同charger, 俾佢喺醫院覆嘢。」

2. 「老豆死咗」照OT

樓主表示「老細個老豆死咗」,但老闆當日還是一如以往地OT,出殯日只是離開公司數小時便回來繼續工作,隨後更形容爸爸的離世是「一了百了」,表示自己終於不用再經常出入醫院,影響手頭上的工作, 「做嘢唔係好方便,覆客覆得慢咗」。

3. 放大假都要處理公事

又有一名同事明明已經「攞咗Annual leave 」跟老婆去旅行 ,出發當日,由於平日跟開的工作出現問題,「個客急call,被老細瘋狂追殺」,最後這名同事半夜搭飛機返香港,第二天早上即刻返公司開會,「個假期就咁冇咗。」

4. 為賺錢供樓日日瘋狂OT

亦有正在供樓的同事,因為太緊張份工所以晚晚OT到9點,就連星期六都會返公司工作,「 搏升做埋老細啲嘢」,結果結婚年半後就離婚,「老婆一蚊都唔分佢就咁走」。

經過以上種種事件後,樓主深深體會香港的職場生態,「在香港生活果種瘋狂嘅壓力令人會開始變得唔正常」,起初他也因為「人工唔錯」,在該間公司苦苦堅持了3年,但最終還是決定辭職。離職當日老闆還一直批評他,「話我懶同垃圾,係香港唔會生活到」。

樓主又表示,可能因為當時老闆的話,他在離職後選擇了到外國生活,直言「而家過得仲唔錯」。帖文一出,隨即在網上引發熱論,網友留言兩極,有人認同樓主看法,又形容香港職場生態根本與古代奴隸並無差別,「乜有人夢想係做奴隸?」、「埃及啲奴隸都係咁,其他無咩分別」、「有冇諗過呢啲人咁樣做爛市係會影響到人?」不過,有網友則認為是香港樣樣都講錢,不少人為了「供樓去到好盡嫁,無工開既心情會令到人變態」、「所有嘢嘅價值都取決於你搵唔搵到錢」。

來源:LIHKG討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓