一家四口每月開支高達13.5萬！港爸呻經濟壓力爆煲遭網民怒批：中產妄想成為上流

一家四口月花13.5萬 港爸呻：好X大壓力

該名港爸以「好辛苦，一家四口基本開支一個月都$135,000，完全儲唔到錢」為題發帖，並在文中詳細家庭開支，指自己每月都儲不到錢，坦言「好X大壓力」！

▼一家四口每月基本開支▼

+5

+4

點擊圖片放大

雖然港爸未有透露其實際收入，但從其支出可推測為中產家庭。可見港爸一家每月開支洗費驚人，當中包括兩名女兒讀國際學校需$40,000，供樓開支$50,000，還有一年兩次旅行，平均每月要預留$17,000，再加上車位、工人姐姐與飲食開支，總計每月開銷高達$135,000。

網民揶揄：搵得個少少錢學人生兩件

帖文引起不少網民關注，質疑這樣的生活是否可持續，甚至有人留言「睇完都壓力大」、「中產妄想成為上流」「搵得個少少錢學人生兩件，有時間出post，不如返多份工」。部分網民直言上述開支根本是自找煩惱，「唔讀國際學校、唔去旅行、唔出街食洗唔洗死？一闊三大自己搞出嚟」、「你又要讀國際學校，又全家去旅行一次10萬仲要2次，又要呻無錢又要去20萬旅行，唔去咪有20萬」。

網民質疑港爸「晒命」意圖

亦有網民質疑樓主以「呻苦」為名，實為展示經濟實力，直言「呢啲post除咗係晒命，諗唔到有咩purpose」、「你都係想引人問你月入幾多，再讚下你」。此外，不少人指出，一般能承擔每月13.5萬元開支的家庭，未必會網上發帖訴苦，且其支出明細缺乏說服力，「唔駛養兩邊父母咁好？」、「仲有好多嘢未計」、「食乜嘢要人頭600蚊，個個禮拜食buffet？」，令不少網民懷疑帖文的真實性。

▼網民留言▼

+11

+10

點擊圖片放大

港爸留言反駁：四個人食飯唔使錢？

對於網民批評，港爸亦有逐一留言反駁，他自知生活支出不止於表面所列，但亦難以逐項細算，「我淨係睇大數，加埋細數我都唔敢諗」。有網民批評一家四口月花萬元食飯屬過度消費，他回答：「四個人食飯啊，唔使錢啊？600蚊一個人，好普通嘅一餐都要啦」。至於旅行方面，港爸認為每年兩次旅行安排屬基本消費，「有邊個香港人唔去旅行？2.5萬一個人旅行使費，已經係minimum，隨時唔止」。

來源：連登討論區