繼4月份TVB主播胡朗軒離巢後，昨晚新聞部大批主播都收到散水禮物，原來29歲的靚女主播關可為正式宣布離巢TVB，但未有交代自己的去向，網友們大表不捨，事關過往關可為被封為「翻版劉佩玥」，靚女加上可愛笑容，收納不少粉絲，IG Followers多達1.5萬，如今她的離巢令粉絲們都非常失望。
同場加映：無人之境│周國賢離婚後未有膽量再闖情關 周家怡曾愛得盲目變奴隸被嫌棄
關可為分享多張工作照，亦在主播枱打卡留念，她留言說：「新聞報道完，再會！感謝這五年多以來，教導、幫助和支持過我既（嘅）人。從記者到主播，所有經驗都係難能可貴，更是快速成長的一場歷練，感謝每個採訪者帶來的故事 #喱（呢）節新聞報道完 #多謝支持」關可為向同事們大派散水禮物都相當花心思，沒有選擇一般的蛋糕或甜點，反而是糖水，她笑言：「桃膠紅棗杞子糖水，滋潤排毒美顏，祝大家保持靚靚！」而最特別的是糖水的膠樽上面貼上有她肖像的畫作貼紙，非常可愛，有同事大讚她是畫家，似乎今次的畫作有可能是出自關可為的手筆，實在又有美貌又有才華。
賀子欣、林可瑩、王穎琪、容家耀、關在山、梁永祥等都有齊齊合照歡送關可為，關可為收到編織花做禮物，而他們的合照中可見幾位靚女主播都是穿上靚靚的套裝裙，但下身都係簡單波鞋或者平底鞋，十分有趣。
不少網友們都大感不捨，已離巢的胡朗軒說：「All The Best! 跳出舒適圈好需要勇氣，但同時會成長更多，共勉之，加油！」而網友紛紛在關可為的IG留言：「TVB 又走一個靚主播，重（仲）要係最靚！」、「沒有可為，只有可惜！」、「可為，希望有一日用精靈球收服妳嘅心」、「你唔撈喇？以後冇得係電視睇到你！」、「又走一個女神，無盡空虛，似把刀鋒靜靜穿過心窩 WOO」、「參選香港小姐？」等等，不過根據網上資料，關可為已經年滿29歲，過了香港小姐的參賽年齡限制，否認要贏都相信唔難！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Mrs. Fields Cookies聖誕陶瓷盤連芝士鹹鬆餅！↓
↓ 煙肉洋蔥香蒜/粟米洋蔥 /雜菌香腸洋蔥↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
