TVB扮嘢真人Show《福祿壽訓練學院》日前完滿落幕，現場直播為時兩小時的終極對決播出最後十強的表演項目，其中關嘉敏（Carman）的表演獲讚非常出彩，無論造型或是演出都是超水準。繼上一輪扮完王菲，以「橫菲」演出「菲越電視城」後，今次反串扮演《中年好聲音2》的亞軍得主譚輝智，易容級的扮嘢令人拍案叫絕，成功一夜爆紅！
《福祿壽訓練學院》迎來Final對決，打入十強的學員為決賽舞台作最後衝刺，其中關嘉敏（Carmen）就秘密練兵，扮演《中年好聲音2》的亞軍得主譚輝智，扮「痰輝智」反串演出「屈到輝智病了」。關嘉敏今次再次扮男人，完美復刻了譚輝智尷尬的舞步和表情，無論造型、髮型、眼神及狀態，都跟本尊似到十足，相當有搞笑效果，令觀眾意想不到，大讚是神還原，幾近以假亂真！
頭戴假髮的關嘉敏乸晒口面兼扁晒嘴、並以機械式僵硬舞步落力模仿輝智神情及舞姿跳唱其參賽《中年好聲音2》時的經典洗腦歌《屈到病》。除了女扮男裝100% 神還原譚輝智、似到難以置信，Carman表演時還額外釋出了一份喜感，就是分別安排了「道具BB」及「面具拉姑」出場、以加強喜劇效果。Carman的表演獲得三位專業評審一致好評，錢嘉樂笑言除了高度，所有地方都與譚輝智似到十足，志偉更忍不住好奇問：「係邊個嘅智慧叫你扮譚輝智架？」、「你幾時開始覺得自己似譚輝智？」嚇到Carmen一度不懂反應，笑言是思捷的主意之餘，並謂今次是刻意想跳出型格框框、走詼諧路線。
說到此處，向來感性的祥仔則指要給予無綫梳化部同事掌聲，場面感人。江美儀則搞笑指為了配合關嘉敏扮譚輝智，她特意向化妝間同事借了「拉姑頭箍」於相關表演環節戴上，相當有心。最終Carman從專業評審手上獲得7個10分，其中相似度一欄，三位專業評審都給出了10分滿分，證明是名副其實的神還原。Carman表演完畢後坦言作為一個跳唱歌手，要扮初學者跳舞舞姿是整件事難度最高的地方，她說：「我揣摩咗好耐，我（綵排時）聽到最多評語，就係話我跳得太好，Carman你減番少少啦。」
關嘉敏扮「痰輝智」的演出，雖然最終未有獲得任何獎項肯定，但在網上引爆旋風式點讚，在TVB官方社交網刊出後，短短兩小時已吸獲逾3,000Likes及超過300個一面倒正評，更有網民直指關嘉敏是「心目中的冠軍」！網民留言：「嗰種反差好正」 、「似到呢！我初頭以為是表演嘉賓，再望點解好似高咗先知真係其他人扮」、「我第一眼以為真係譚輝智」、「個表情真係好似，好好笑」、「近鏡睇啲鬚都畫得好似」、「唔講真係以為係佢」、「要讚埋化妝師」、「神級似，嚇一跳」、「幾可亂真」、「繼王菲後又一勁似」、「關嘉敏唱到屈字好似吐痰咁先正，超出位，好好笑」、 「孖生兄弟咁」、「佢都好扮得吓」、 「關嘉敏捉到輝智神韻、舞姿同埋表情，真係好精彩」 、「以扮人角度，全晚係佢最似，正！」、「Carman的努力有目共睹」、 「似到飛起呀」 、「真心覺得關嘉敏愈做愈好」、「估唔到女扮男可以咁似」！
▼▼點擊放大睇更多網民留言▼▼
關嘉敏於上一輪扮「橫菲」演出「菲越電視城」早已大獲好評，獲盛讚100%還原王菲經典「夢中人」慵懶造型。關嘉敏手持紙飛機及毛公仔坐在化妝間邊獻唱《夢中人》、邊以慵懶姿態大擺各式各樣王菲昔日招牌甫，當中包括經典動作「揈衫袖」、「玩紙飛機」及「跌膊」。
關嘉敏猶如「王菲」一樣步出化妝間並穿梭於電視城的走廊左挨右拶，最後跳脫地直闖錄影廠面向觀眾及專業評審又唱又跳，更將手上的紙飛機及毛公仔掟向現場觀眾，成功引發高潮。除了造型及動作，不得不提的還有關嘉敏的眼神，長期將太陽眼鏡「戴低一格」的她，配以低頭四處張望的迷幻神情，神乎其技地倒模本尊，表演夠放之餘，而且互動做到足。
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
