《愛回家》高小姐丨甄采浠表態願領養張致恒孩子 不忍小朋友受苦：好多人想要都冇
張致恒（Steven）和雯雯這個「愛生事家庭」經常都出現財務困難，更毫不有愧公開在IG求大家「集資」為他們交租、交電費、交水費等等，多次靠網民為他們一家六口度過燃眉之急。日前，雯雯再次成功靠苦肉計搵到「有心人」為他們一家交租，可惜業主因不滿他們經常拖欠租金，決定不再續租，雯雯再次在IG放負，更暗示走投無路，想帶小朋友「離開」。藝人甄采浠（原名：甄詠珊）轉發本網新聞，並留言說：「我可唔可以領養一個？」
在《愛回家之開心速遞》中飾演高小姐的甄采浠現年43歲，仍然是未婚狀態，對於今次領養的留言，她接受本網電話訪問時表示：「我一直都有留意呢個家庭嘅新聞，我覺得世界唔可以話唔公平，但好多嘢真係事與願違，我身邊好多朋友都好想擁有下一代，甚至經濟條件好好，都希望可以組織家庭，但努力好多年都冇小朋友誕生。我見到上天畀咁好嘅家庭佢哋（張致恒），點解佢哋唔好好珍惜呢？我見到佢暗示講到想輕生，我真係幾心痛嘅，有呢啲念頭，真係情緒好低落先會產生，但人好容易一念之差，點解唔去努力生活呢？」
甄采浠表示自己一向鍾意小朋友和小動物，可惜是心態上想找到靈魂伴侶才結婚生仔，「我唔介意收養小朋友，亦唔介意另一半本身有小朋友，一直都有收養小朋友念頭。如果你哋（張致恒）咁唔珍惜，就畀啲好想珍惜嘅人啦！同埋如果佢哋真係要搵嘢做，真正願意工作，我美容院係可以請佢，只要肯學肯做，冇困難係解決唔到。所以我好欣賞吳浩康，呢個世界只要肯行、肯郁，冇嘢係解決唔到，應該係去解決困難，你有腦就去諗創意賺錢，冇嘅咪勞力去賺錢。」
甄采浠坦言自己是有經歷的人，以前家庭的環境比張致恒一家辛苦得多，所以特別有感受。她曾經在節目《日日媽媽聲》中透露自己16歲入行，爸爸在金融風暴下破產，她開始打工賺錢擔起頭家，曾經試過一日打三份工，為家人還債。她說︰「16歲開始做臨時演員，因為真係想入行同學多啲嘢，同時間有做化妝同售貨員，做好多份工去維持，令我可以繼續做臨時演員。因為金融風暴，屋企出現好嚴重嘅經濟問題，我好慶幸父母健在，雙親好健康。當時基本上我哋係負債，而且冇錢買傢俬，要去垃圾房執人哋掉出嚟嘅傢俬搬返屋企，當時環境都幾困難。」
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
