童年回憶 10種令你食到啜手指的零食

講到童年回憶，又點可以缺少零食呢？時代轉變，雖然今日還可以買到同一款的零食，但包裝袋內空氣多了，有些味道也不大如前，真的令人懷念童年時的美好！以下這10種零食，經典之餘，食完都未夠飽，小記仲要啜埋手指，大家有試過嗎？

1.芝士圈

小記細個時候，好似買$1一包，非常抵食！芝士味非常濃郁，每次都食到手指都變橙色！不過最近小記買了一包，只感覺到它是一種膨化食品，咬下起只得「空氣」。

2.薯圈

小記鍾意將煙肉味薯圈套兩個落手指再咬開食(細個太天真，大個知噁心)，味道有少少鹹過龍，不過是難得的飽肚零食之一。

3.牛仔片

小記覺得它的外型非常破格，有別一般薯片造型，而它的牛肉香味粉到今日依舊記得。

4.熱浪

辣辣的感覺，太爽！即使細個不喜歡吃辣味薯片，吃到最後，也要整個包裝袋都倒入口！下面的廣告，你有印象嗎？

5.媽咪麵

壓碎後混合調味粉再搖勻食是食媽咪麵的常識吧！小記想知有人試過煮嗎？

6.童星點心麵

最適合小息同朋友仔一同分享的零食之一，倒少少俾人自己都仲有得食(笑)！大個左就變心了，更喜歡闊條麵。

7.咖哩卷

你有這種想法嗎？三條裝咖哩卷實在太少，會越食越上癮！

8.嘉頓朱古力手指餅

啜手指？當然有嘉頓朱古力手指餅，食完整個垃圾桶都係黑色包裝紙！

9.愉快動物餅

識揀，一定揀紫菜味！食左咁多年，都未學識哂動物餅的英文字(淚)！

10.沙爹魚串

$5大大包，好似一把扇，記得有20多串，每次都留底一大堆竹籤。

相關連結：