「我個髮夾又不見了！」生活中總會無故消失的12件物件

幾年前，宮崎駿動畫《借東西的小矮人- 亞莉亞蒂》講述世上的小矮人經常趁人類不注意，就偷走日常用品。而根據我做了廿幾年人的經驗，我肯肯定就算小矮人不存在，都一定有小黑洞係我屋企，並將各種生活用品偷走！

1. 髮夾

一直都有流傳——「髮夾會自然消失」。髮夾係世界上最神奇嘅事物，因為無論你買幾多，最後全部都會不翼而飛。由於髮夾長期位於失蹤物件榜榜首，我有理由相信這個黑洞係由髮夾製造商整出來。到底要買幾多打返先夠？

平平地，可以去$12店買盒髮夾。另看《平嘢都有好！嚴選Aeon $12店性價比之皇》。 

2. 筆

筆嘛，係你無需要時就會就係你面前，但當你要用佢時就一定搵佢唔到。加上佢絕對係有借無回頭之首。喂明仔，我上次借比你支筆呢？

3.指甲鉗

指甲一星期剪一次，話長唔長，話短唔短。但當你要搵時，總係唔知比邊個攞咗。

4. 襪

為什麽襪每次都會唔見一隻？計我話，識買一定買純情小白襪，就算唔見左都唔會太傷，而且可以把兩隻單隻湊成一對。

5.眼鏡

無論係沖涼、休息定瞓覺時，你總會放低眼鏡。但一個月總有幾次，你會唔記得自己把眼鏡放！如果你近視深的話，無咗眼鏡你咩都做唔到。

6. 鎖匙

有沒有試過，當係你衝緊出門口，臨門一腳先會發現鎖匙竟然唔見咗！結局一係返工遲到，一係放工無門口入，你會揀邊樣？

7.橡筋

無論係扎頭髮用的橡筋，定係文具用的像筋，總係買完一大堆返來就唔見晒，到底去咗邊？

8. 耳環

豆豉咁大粒又價值不菲嘅耳環唔見咗，可能就係關係破裂的導火線。

9.耳機

我個耳機唔見咗，連返工唯一的娛樂都無埋，點算！

10.遙控器

如果你屋企個機頂盒無得手動轉台，如果不幸地屋企個遙控器唔見左，而電視又正在播《賽馬直擊》，咁就真係rip啦。就連梳化罅、枱底等十年都唔掃一次嘅地方，都會比人翻晒出黎，搞到全屋塵土飛揚。

11.手機

唔見手機時，很多人會選擇打電話給自己。但如果你的手機調成靜音模式，那就……放心吧，總會搵到？

12. 錢

唔知點解，總係成日唔見錢！