奧運熱潮席捲香港，除了港隊運動員表現備受讚賞和關注，專業評述及奧運主持表現亦同樣引發熱議，贏盡好評。當中已是第九屆擔任奧運主持的鍾志光，近日因連踩五個直播，及無論多夜也能在鏡頭前保持精神抖擻獲激讚專業。被封為「不眠傳說」的鍾志光緊接做直播一樣「零疲態」，因而成為城中熱話。
鍾志光感恩獲鄰居及街坊關心慰問
事緣，有網民一連五個直播均看到鍾志光蹤影，但其餘主持卻不斷換人，全城頓時掀起「萬能鍾」不眠之謎。成為熱話的鍾仔，接受無綫官方社交網訪問時不忘感謝各界關心，但打過無數場硬仗的鍾志光，笑言一點也不覺得辛苦，更笑著否認鐵人傳說，並透露已一早請定大假奧運後休息：
鍾志光親解奧運瘋狂OT之謎
鍾志光又親解奧運初段瘋狂OT之謎：「因為頭段比較多香港運動員，公司覺得我認識多啲，咁我咪做咯，只係初頭一、兩日嘅情況。（合理工作時間？）合理，點會唔合理啫，我又唔覺得係咁辛苦，你話要就咁返嚟（齋）坐就會好辛苦。前幾晚我哋本來收（凌晨）四點鐘，但最後做到五點半，點解？Vivian張家朗攞金牌喎，一路睇住佢哋比賽，比賽之後又有專訪，嗰個氣氛完全唔會覺得眼瞓！」而維持精神的最好方法是「使命感」：「可能係個使命感啦，個意志令到你頂住嘅，最緊要有精彩嘅賽事。有一日我記得播射擊，但都睇唔到佢射唔射嘅，呢啲就弊喇，好難頂架。」
鍾志光朝早十點收工
鍾志光又笑言力抗沉悶和睡意的方法，也是和運動有關：「企起身咯，自己鬆吓筋、做吓伸展咯。」鍾志光昨日受訪時又補充，當日的休息時間便相當充裕：「頭先朝早八點有個直播係接尋晚夜間嘅，做到大約朝早十點離開返屋企瞓覺，然後就夜晚十一點再開工。」
「間斷式小睡」秘訣
鍾仔續指「間斷式小睡」對保持精神很有幫助：「未到我我就會去12廠隔籬入面個休息室，好似話我依家四點半、五點做完嘢，七點先Stand By，我咪返去瞌一瞌，我係要瞓嘅，只不過係濕濕碎碎、積少成多，暫時我都覺得咁樣好夠休息。」問到非奧運期間作息時間，鍾仔自稱是夜鬼，並笑言：「我可以瞓好多個鐘，又可以好多個鐘唔瞓， 我夜晚冇嘢做都係兩點、三點。」並笑謂現時即使不用返奧運，在家也是開著無綫睇奧運，不折不扣「體育魂」。
「我哋只係四年做一次，根本係殺到埋嚟就食」
貴為資深體育主持的鍾志光，訪問期間不忘感嘆新進奧運主持很難累積經驗：「我當年經歷過好多直播，當時《球迷世界》有一年全部直播，做奧運、做世界盃又全部Live嘅，有啲同事唔係唔得，係佢哋冇機會做直播，有好多突發、執生嘢未接觸過；同埋（奧運）咁多體育項目、資訊咁多，無論台前幕後都好，都係四年做一次架啫，我唔係為咗掩飾蝦碌咁講，係希望大家都明白。我哋只係四年做一次，根本係殺到埋嚟就食。」
全盛期大約爆300個Show
鍾志光又慨嘆體育節目無論市場及資源均日益萎縮，齋做體育主持比較難，願意入行的人亦日益減少、惡性循環，鍾仔說：「體育唔賺錢，因為轉播費太貴。冇得埋怨公司放棄或唔做體育，而係個市場咁樣，一個好實際問題，香港人係咪咁鍾意睇體育呢？依家有氣勢，係因為有香港吖嘛，凌晨四點幾都睇喎，因為嗰個叫張家朗、江旻憓」，「我會覺得可惜，依家已冇得講承傳，其實唔同時間都有啲好出色嘅年青同事入嚟做體育，但依家淨做體育節目會Under Show，同我哋當年唔同，當年做體育爆Show架，有固定節目之餘，再有Extra奧運、亞運、世界盃。（最勁嗰年爆Show爆成點？）大約爆咗300個Show。」
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
