公屋規則｜公屋現「詭異」通告 瘋傳16大「詭異保安守則」 淡定網民揭背後真相

同場加映：

一名男網民近日在Threads上載照片，只見九龍城真善美村辦事處在2021年貼出通告，上面寫有：「真善美村至真樓304室。請留意，此單位無黃X光住客。」

事主又在帖文列出16項「至真樓夜更保安內部告示」，適逢農曆七月，令整件事更加詭異。

+15

+14

點擊圖片放大

網民：好驚但好想睇

帖文一出旋即引起網民討論，有人估計跟1930年發生的命案有關，亦有人大呼恐怖，「喺樓下開工，好恐怖喎大佬，唔敢睇，又忍唔住睇晒」、「咩料？我應該唔夠膽喺度做保安」、「今鋪大X鑊，前排轉工轉咗去真善美村，仲要由荔景轉過去，好X驚但好想睇」。有網民親身到真善美村至真樓3樓「實地考察」，確認該張2021年的通告仍然貼在牆上。但都有人估計張貼通告是另有目的，「通常呢啲都係上一手借錢唔還，跟住下一手住咗入去但畀追數佬騷擾，所以先要貼呢啲告示」、「會見到呢啲通告，第一時間都係諗借錢唔還，追數佬真係好麻煩」。

+4

+3

點擊圖片放大

事主親自開估

最後事主澄清，其是依該張通告創作香港「規則怪談」。規則類怪談是網絡怪談或都市傳說創作的一種類型，一般以規則、守則、說明書、注意事項等格式行文的形式出現，以要求、命令或建議、勸告的語氣分條撰寫。規則類怪談中的規則往往與生活中常見的同類型規則相似，但條文具體內容多有存在異常內容，從而引起讀者的好奇心，達到恐怖效果。不少網民看到後均留言大讚「幾好，好少睇到香港版嘅規則類怪談」、「加油，創作應該被欣賞同鼓勵」、「有冇諗住出番個故事，師兄你有料子，你出我第一時間追po」。