企業強人｜朱智賢謝東閔首度情侶同場演 「反枱戲」 霸氣互窒成網民最期待畫面
TVB熱播中的台慶劇《企業強人》結局周劇情高潮迭起，昨晚（15日）一集更有網民最期待的畫面出現，朱智賢、謝東閔首度情侶同場，一場「反枱戲」惹來網民關注。朱智賢完美Carry露腰女強人套裝，而謝東閔一句「你當我Kai架」竟成新金句。
昨晚（15日）焦點場口，落在「真‧情侶」朱智賢與謝東閔鬥智鬥力，劇情講到為力阻方芳（龔嘉欣飾）當選主席，丁寧（朱智賢飾）利誘Vincent（謝東閔飾）在媒體面前大爆方芳黑材料。無論是謝東閔一副運籌帷幄的突然變節樣，或是朱智賢的「口蜜腹劍」及方寸大亂後的秒速變臉樣均演繹到位，而謝東閔一句夾雜浮誇與憨直的「你當我Kai架」，更獲網民大讚醒目又可愛。
由於謝東閔與朱朱是首度以真情侶身份合作對手戲，場口自然別具話題性，不少網民笑言「相當醒神」。談到與男友首度合作拍劇，朱智賢笑言二人在拍攝現場「零交流」：「我哋事前冇特別溝通，因為驚夾定會好假。同埋我本身一拍劇就會工作mode，所以現場冇乜話同佢好多交流，我想專注做番丁寧，唔想突然抽離做咗朱朱。所以一埋位我哋只係對戲，冇傾偈嘅。」
朱智賢坦言起初知道與男友會有對手戲時，確實有點緊張：「因為太熟喇，開頭有擔心自己投入唔到。」問到二人私下意見不合時會否嗌交時，朱智賢說：「我哋冇鬧交架喇，唔出聲就算，之後就會冇事，咁多年大家都好習慣大家嘅性格。」
朱智賢今次憑劇中造型贏盡好評，前晚一襲露腰套裝短裙將其葫蘆身形、小蠻腰及長腿三大優點展露無遺，而且即使著住坐低仍是「零唧肉」，顏值及健美度再獲關注。問到Keep弗心得，朱智賢大方分享三大心得：「我不嬲唔太飲甜嘢，就算飲珍珠奶茶，我都係走甜，我慣咗飲冇糖份嘅嘢。因為我覺得飲嘢係會唔覺意地飲咗好多糖份，所以我覺得要戒得好清。第二要戒宵夜，當然我都覺得好困難，尤其冬天夜晚開工，硬係想食啲熱辣辣嘅嘢。第三係要做少少帶氧運動，因為可以幫助燃脂，例如行山、跑步咁。」
港生活人氣娛樂新聞
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
