TVB台慶劇《巾幗梟雄之懸崖》除了緊張刺激的場口，今季的感情線重任，落在年輕一輩演員身上，包括飾演茶樓老闆獨女「桂花香」的陳曉華，以及飾演亡命之徒「韋豪」的羅天宇，純愛故事將譜出波折甚多的「三角戀」。羅天宇就大歎並無想像般好艷福。
巾幗梟雄之懸崖｜羅天宇角色韋豪
能在同一套劇中與港姐冠軍及亞軍人馬有感情戲，羅天宇稱並沒有如大家想像般好艷福，並笑言與陳曉華及陳楨怡「談情」最大難度竟是高度問題，羅天宇笑言：「我哋有個小三角戀，而同佢哋拍談情戲，高度係最大問題！因為我個角色成日著啲鞋都冇乜底，佢哋兩個本身已經好高，加上佢哋個角色成日要著高踭鞋，佢哋又勁瘦，企喺佢哋側邊，Suppose我個角色要好有型架嘛，但畀佢哋搞到好似矮仔咁。」
巾幗梟雄之懸崖｜羅天宇圓夢接拍動作戲
羅天宇又補充指，拍攝《巾幗4》最開心及難忘的地方，是終能一償心願接觸動作戲：「我入行十六年喇，最近每年專訪講新目標，我都會話好想試拍打鬥戲，細個睇葉問、黃飛鴻、李小龍已經好鍾意，所以一路好期待拍，去到今次真係有機會接觸，真係好開心。初初聽故仔話我個角色槍法好好，仲以為唔使點打，點知唔係，原來我咁就做咗『動作擔當』。」
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓《社群狂歡大激賞》！ ↓
↓送Super Sports Park室內遊樂場門票100張！↓
