TVB劇集《異空感應》進入高潮，日前一集高潮迭起，「靚仔法醫」助手Duncan（阮浩棕飾）的可憐身世大揭秘，全晚皆是阮浩棕全方位發揮演技之夜，之前演活了角色陽光美男一面的他，這一集大晒反差面，交出了相當亮麗的演技成績單，更獲睇好成為今年男飛躍的大熱人馬。
焦點劇情講到原來阮浩棕飾演的Duncan是可嵐（陳曉華飾）同父異母哥哥，Duncan之前上可嵐家時一眼認出邢有山（陳嘉輝飾）是拋棄了自己的親生爹哋，原本Duncan很感恩能碰上再度了解及接近爸爸的機會，可惜最終因遭邢太（龔慈恩飾）拆穿身份令Duncan不能再與有山碰面，頓感生無可戀的Duncan走上自殺絕路，幸查到Duncan早年曾患上嚴重躁鬱的Dr. Fong（陳家樂飾）及時趕到，成功救回Duncan…由於Duncan角色太過搶，加上有不少「變態」事跡，網民紛紛揣測他是終極Big Boss，但亦有網民逆思維謂：「但通常最似嗰個都唔係。」
阮浩棕慘笑含淚訴苦戲極有感染力 空洞撞牆眼神勁搶
阮浩棕這一集大晒反差面，將Duncan的陰暗面、暴走狀態、生無可戀、空洞絕望、自嘲自憐，及悲痛欲絕的心情全部演繹得不慍不火，其中在精神病院中的瘋狂咆哮及空洞自殘，令不少網民回憶起阮浩棕在《隱形戰隊》的經典角色「鏗少」：「鏗少復活了」，並直言「好似精神病人」。另Ending一幕，阮浩棕向親妹可嵐又笑又喊、又似笑非笑地訴說自己悲慘的過去時，面上掛著的慘笑、配以絕望自白甚有感染力：「阿媽冇對我好過」、「嗰時好似成個世界拋棄咗我」、「我鍾意對住死人，係因為我好驚畀人知道以前係點」，顫抖的聲音加上填滿眼眶的淚水，令人更能深切感受角色的痛。
網民激推演楊過合適人選
阮浩棕同時還演活了Duncan既想親近生父、但亦害怕破壞生父美好家庭的掙扎狀態，成功突顯角色悲劇感，難怪不少網民大讚他有前途，並直指去年飲恨萬千星輝頒獎典禮的他，今年極有希望殺入「飛躍男演員」最後五強：「燈勤要攞飛躍進步獎，我話嘅」、「一定上位，飛躍大熱」、「應該會上到位，幾正氣個樣」、「欠咗阮浩棕一個男飛躍獎」、「忠奸都得」、「我覺得如果《神鵰俠侶》有得翻拍，佢一定岩做楊過」、「阮浩棕做呢啲角色好正」。
感激龔慈恩無私付出成就自己
對於演技吸獲正評，阮浩棕受訪時謙稱全靠劇集台前幕後的用心及配合，並特別感激龔慈恩的疼錫及支持：「龔姐話攞刀呢個動作其實佢唔舒服，如果畀佢自己做決定、佢會轉個演法，但佢話見係我就做畀我，呢一句好窩心，如果唔係有龔姐嘅話，呢場戲唔會有咁精彩嘅效果。」
阮浩棕曾一度出現抽離問題
至於Ending一幕，阮浩棕則坦言曾閉關長時間苦練：「主要係整理所有感覺、尋找角色嘅軌跡，閉關去尋找痛楚嘅感覺。」他亦坦認曾因角色太過沉重一度出現抽離問題：「嗰陣收工返到屋企，我都仲會喺張床度喊。不過令我抽離唔到嘅嗰場戲其實仲未出現，後面嘅場口仲精彩，大家一定要繼續追落去。」
阮浩棕今年男飛躍呼聲甚高
問到有否信心在今年頒獎禮中奪獎時，出名謙虛的阮浩棕竟演將事件演變成幫劇集及同劇演員拉票，十分搞笑：「攞獎我都係平常心嘅，對於我嚟講，我都係最希望大家繼續追睇《異空感應》，因為係台前幕後好大嘅心血，同埋記得投票，你哋嘅每一票都好緊要架。」
」，
App內睇文同睇片可隨時捕捉U Fun彩蛋，
換領現金券及禮品！
【免費送💝】ghd限量冰藍美髮造型夾✨
↓一機兩用 雙效熱風造型！↓
↓ 【🎁送】Aurabeat AG+銀離子抗病毒納米濾網🌟！↓
↓濾網有2層過濾💪10分鐘內殺滅99.9%病毒及細菌🦠↓
