香港茶餐廳出名多術語，例如是「加底」、「例牌」、「OT」等等，但原來就連招聘告示都有專用術語？日前，一名港媽在社交平台經過葵涌南記冰室時，意外發現一張創意十足的招聘告示，於是發帖分享到網上，很快引起網友熱烈討論。仔細一看，店方稱聘請全職及兼職的「熟手樓面」，但列明不會聘請3類人士，分別是「企鵝」、「方丈」和「少奶」？
葵涌茶記招聘告示講明3類人士一律唔請？
早前，港媽經過位於葵涌的南記冰室時，發現餐廳門外張貼了一張招聘告示，表示現正招聘全職及兼職「熟手樓面」，工作時間為中午12時至晚上6時，希望應徵者勤快及主動，值得注意的是，招聘告示竟特別寫上「注意：企鵝、方丈、少奶勿擾」。
港媽認為這則招聘告示頗為有趣，「個招聘post好好笑」，於是拍下分享到網上，並試圖拆解三個詞語的意思。她認為，「企鵝」是指那些「淨係識行行企企，唔做嘢嘅冗員」；至於「方丈」，她馬上想起經典電影《食神》的情節，有和尚對周星馳說：「方丈份人好小器！」；而「少奶」的意思更是淺顯易懂，因此未有多作解釋。
網友大讚有創意：真香港人先明
很多網友看後都大讚招聘告示有創意，紛紛留言「好正既暗語」、「真香港人先睇得明」，也有人笑稱「方丈會打工架咩？」有網友則為以上3詞重新作解釋，例如企鵝即「淨（係）企喺度，叫佢做野就『哦』完繼續企喺度」；而少奶則代表「嫁咗人唔願做」、「嫁左小康家庭，係屋企無聊番工為左吹水既師奶」。
此外，留言中更有不少網友分享其他詞語，例如「我以前遇過一些稻草人（唔出聲無反應）」、「電競手呢？（返工打機）」，甚至有人笑稱「即係會請足球員同消防員？」
▼網友分享其他詞語▼
來源：Threads
」，
App內睇文同睇片可隨時捕捉U Fun彩蛋，
換領現金券及禮品！
↓ 【U Jetso】亞洲素食展2025電子門票🌱！↓
↓ 逾6,000種最新素食+素生活產品💚逾80場精彩活動😍！ ↓
↓【U Jetso】荷花春季BB展2025電子門票🍼！↓
↓ 爸媽掃貨大好時機✨超過500個攤位🛍️備有送貨服務📦！ ↓
