網民列17大返工人士術語！「稻草人」指唔出聲冇反應！「電飯煲」又係邊類人？
香港地不同範疇都有專用術語，例如茶餐廳侍應落單的「靚仔」、「行街」等等。想不到連返工人士都有專用術語，用來形容職場上會出現的各類人，較為人知的有「企鵝」、「方丈」等等，亦都有日常較少聽見的專用術語，如「電飯煲」、「沙漏」等。各位又知道更多職場「暗號」及其意思嗎？即睇詳盡解釋！
網民列17大返工人士術語
茶餐廳暗號大家聽得多，形容返工人士的術語又知多少？近日有網民於社交平台threads上分享用來形容職場上不同人的術語，較常見的有「企鵝」，形容「齋企唔做嘢」的冗員，「方丈」則普遍形容小氣的員工或老細。「鯨魚」、「電飯煲」等等又指邊類人？即睇17大返工人士術語及其意思！
1. 企鵝
形容行行企企，齋企唔做嘢的冗員
2. 方丈
指小氣員工/上司/老細
3. 少奶
指嫁入小康之家，不願做嘢的師奶
4. 稻草人
形容唔出聲無反應的員工
5. 足球員/飛機師
指會失蹤唔返工的同事，參考「射波」及「放飛機」
▼睇埋其他打工仔術語及意思▼
除了以上的返工術語，亦有其他留言補充其他職場人士術語，例如「公主」指做錯事仍聲大夾惡的員工、「一休和尚」則指逢星期一請假的同事等等。廣東話博大精深，不少網民理解後都表示好有趣，又指部分都是第一次聽，各位又有無其他行內術語呢？
來源：threads
葵涌南記冰室請樓面！方丈/少奶一律唔請
早前，港媽經過位於葵涌的南記冰室時，發現餐廳門外張貼了一張招聘告示，表示現正招聘全職及兼職「熟手樓面」，希望應徵者勤快及主動，值得注意的是，招聘告示竟特別寫上「注意：企鵝、方丈、少奶勿擾」。引起網民拆解3個暗語的意思，亦有人大讚招聘告示有創意，紛紛留言「好正既暗語」、「真香港人先睇得明」。
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
