街頭代客寫詩 廿六歲男與有緣人交換小故事
文: C
「有人來過，有人離開
有人說過後巷很可怕
有人是誰」
4月，上環多條燈柱被貼上「代客寫詩」的傳單，我初時以為是退休人士玩意，原來是一位26歲男生的小攤檔。
「上環樓梯間
喘著氣的我
嗅到了一陣
瘋人的氣味」
王道顯Nixon，不是甚麼著名現代詩人，他跟我一樣，是大組織旗下的一名打工仔。因為熱愛新詩，Nixon周末會抽空擺攤，代客寫詩。「第一次代客寫詩係喺上年12月，當時油麻地有一個市集活動叫『活化墟』，我同朋友就去擺攤，賣啲二手嘢，我就再幫客人寫詩。」來找他的人，好明顯都是好奇之士，對話匣很客易便打開。「題材嘛... 有關佢哋嘅故事，我叫佢哋同我分享一個小故事，然後我喺酒塞或者層層疊上寫低一首詩畀佢哋。」
「酒塞之上
輕筆幾句
文字之間
滿載感情」
Nixon特別鍾情酒塞上寫詩，酒是一種充滿感情的載體，大家開心、不開心都會開支酒，那麼那個酒塞便可以是當時心情的記憶體。寫在酒塞上的另一個原因，Nixon有一位非常愛酒的朋友，幾乎每日都會飲一枝酒，而多出來的酒塞，就送給Nixon來寫詩。或者可以這樣說，每一首詩，背後都有一枝酒，朋友喝的酒。
這位朋友的肝藏，成就出寫詩的攤檔。你出肝，我出膽，肝膽相照。
層層疊(Jenga)亦是他喜愛的載體，這代表了一種童年回憶，把有緣人的過去刻在層層疊上，別有一番意義。
「自由的定價
自由的施與受
寫出了
寫不出的自由」
每次Nixon擺檔，他都會放個錢箱在面前，酒塞的旁邊，代客寫詩沒有定價，純粹根據客人的喜好，由他們定出價錢。「我做呢件事純粹係想同人交流，如果講價錢就唔係果回事，所以由佢哋自定啦，維持到一個自發活動嘅酬勞就夠。」有無試過有人唔畀錢？「哈，都有唔少架。」不過Nixon不會因此不快樂，因為他做此事並沒有甚麼特別目的，純粹隨心，喜愛寫詩，便為人寫詩，僅此而已。最大的得著，是來自那些朋友的故事。
「做代客寫詩，我會主動請佢哋分享故事，當中有啲都幾難忘。例如，一啲人會講以前後悔嘅事，童年嘅故事，發過惡夢...」講到最記得的一件事，是剛剛於上月在「茶。家」擺檔時候的一個經歷。「有一個啱啱考完試嘅人，過嚟同我講，佢暗戀咗一個女仔。(男仔嚟？)係，就當佢講完成個故事，後面有人拍佢膊頭，原來就係佢暗戀嗰個女仔。佢無講嘢，但我睇佢個樣，已經知道咩事。然後佢叫個女仔去買嘢飲，洗走佢再講埋個故仔。」
「其實，我們想做的事
只不過是做回我們。
我們並非無足輕重...」
作為一個打工仔，周末再抽時間代客寫詩，你累不累？「只要係你揀嘅，辛苦都無所謂。」只要是你喜歡的東西，就算花幾多時間，你知道是值得。「我哋好似好少時間會問自己想要啲咩，想做啲咩。平日好似做咗好多事情，但又唔係真係感到滿足。」
Nixon再強調，自己所做的事，不是甚麼稀奇的事，只不過是自己喜愛的事，其實你和我也可以，只要你認為你可以。「其實.... 我哋呢代人，係咪都覺得自己好渺小，微不足道？其實我哋係可以試下做自己真正想做嘅事，最緊要你知道為咩。」
你會打算將寫詩變為你的工作嗎？「唔會，工作係另一回事，我認為一旦變成工作，就有既定嘅工作路軌，set目標，達成目標，係得咁多。我希望呢件事係自由嘅，我寫詩係同人交流後嘅成果，我唔會刻意去諗別人鍾唔鍾意，因為詩裡面，有你，有我。」
還有肝。
4月「茶。家」寫詩活動完結後，Nixon會暫時離港工作一會，暑假回港，隨時帶同酒塞，出沒於市集攤檔Cafe，一切隨緣、隨心。
相關連結：
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
