奪命提示｜韓馬利演技大爆發晒多元恐懼感 演齡49年仍虛心自認不足

演神經質焦慮症病患晒多元恐懼感

最新一集的新單元故事主角，是子超（丁子朗飾）母親娥姐（韓馬利飾）；根據劇情，娥姐在十多年前殺了人，以致患上焦慮症之餘，直到現在還不時備受惡夢困擾；與此同時，娥姐衰老公方炳權（魯振順飾）不知何解手持娥姐當年行兇兇器，並以此要脅娥姐交出鉅款作揞口費；被炳權逼到埋牆的娥姐，加上多年累積的驚恐與壓力，最終大爆發亂刀刺死炳權之餘，更將趕來現場的親生仔子超錯手殺死，劇情緊湊之餘夠晒出人意表。

+4

+3

點擊圖片放大

同一場戲展現極大情緒反差

韓馬利除大晒慈母一面，還展現了恐懼、無助、軟弱、心寒、恐慌、失神、失控、因過度激動而窒息、錯愕等多元情緒，單靠表情已張力十足，而且更經常於只有數秒的場口中，演繹出極大的情緒反差，相當考功力。

+4

+3

點擊圖片放大

韓馬利老戲骨演技令人難忘

演技精湛的韓馬利，多年來演出不少大獲好評角色，並先後憑2007年《爸爸閉翳》、2009年《宮心計》、2012年《回到三國》提名「最佳女配角」，並於《萬千星輝頒獎典禮2013》獲頒「傑出演員大獎」，在演藝圈中的貢獻及付出早已備受肯定。其實昨晚一集韓馬利的演技還未完全大爆發，隨著劇情發展，韓馬利下周的演出將迎來更大突破。

一度自我質疑「韓馬利你有冇搞錯呀，咁你都做唔到？」

問到演藝資歷長達49年的韓馬利，是次演出是否過足戲癮，她坦言很大壓力：「其實有一、兩場戲我真係做得唔係咁好，監製要求好高嘅，佢要每個細節都要做得好好。初初可能我get錯佢意思，take咗好多take都做唔到，好彩監製（Jazz）真係好有涵養，畀著第二個可能掟咗劇本、走咗人，我自己都覺得『韓馬利你有冇搞錯呀，咁你都做唔到？』我都覺得自己仲有好多進步空間，有時聽完監製分析，原來可以用另一個手法去演，真係好多謝監製，佢幫咗我好多。」

+3

+2

點擊圖片放大