3次家訪無人被收樓？港女爆粗大鬧房署稱「我唔係監犯」！惹網友熱議： 河馬間屋又唔收？
近日公屋被收回的新聞頻頻見報，繼早前天水圍小提琴導師不滿其公屋被收回而鬧上法庭後，最近網上再瘋傳一段「公屋女大鬧房署」影片，片中女事主疑似因「3次家訪不見人」遭收回公屋單位，心生不滿的她去到房署辦事處「爆粗」辱罵職員。影片引發熱議，有人支持房署的執法行動，但亦有網友批評收樓準則過嚴，質疑道「人哋唔使返工咩？」、「河馬間屋又唔收？」
不滿被收樓？公屋女爆粗大鬧房署職員：你傻X咗啊
日前Facebook專頁「香港人」發布了一段影片，指有公屋女住戶疑似因「房屋署3次家訪不見人」而被收回單位。影片長達41秒，但未有提及拍攝時間及地點，一位公屋女住戶疑似在屋邨辦事處內舉機拍攝職員，控訴房屋署職員突然家訪、自己被收回公屋單位一事，但言談間夾雜不少粗言穢語，如「你傻X咗啊你！冚家X」、「X你老X！唔係同你玩啊，真係！」等。
▼直擊公屋女爆粗大鬧房署▼
影片中，公屋女住戶操一口流利廣東話，說話中氣十足，即使看到屋邨辦事處職員離開座位走到角落位置，她仍繼續連珠炮發地責罵。而該專頁亦在帖文中表示：「聽個女士口齒伶俐，應是純正香港人，聽佢講嘢中氣十足，又唔似殘弱人士。而家住公屋，人地家訪搵唔到佢，即跳出來拍職員同小職員。」
部分網民「支持房署依法例執法」
有網民對房屋署做法表示支持，認為公屋資源有限，應交由有真正需要的人使用，「香港政府係業主，冇得唔畀家訪㗎喎，分清咗莊閒呀嘛」、「支持房署依法例執法，攞返啲公屋出嚟畀有需要嘅人住」。針對片中女子的行為，不少網民直言難以苟同，「住得公屋住得咁惡嘅成」、成個黑社會江湖女人咁」。
房署做法過嚴？網民：住公屋好似做賊咁
但也有不少人為事主抱不平，認為房署收樓標準未免過嚴，有網民批評：「3次家訪唔見人就要收樓？返夜個班怎算？」、「人哋唔使返工咩？成日失驚無神家訪」、「其實日頭無人唔出奇，可以睇地下同電梯CCTV核實出入時間及日常就一清二楚」，甚至有網民語帶諷刺地提問：「河馬間屋又唔收？」。此外，專頁在文中所寫的「口齒伶俐、中氣十足、唔似殘弱人士」亦引起爭議，有網民質疑：「殘疾同好中氣有咩關係？你意思係殘疾就唔可以大聲鬧人？你個標題令我好混淆。」
▼網民點睇▼
丟空公屋屬濫用公屋行為？
房委會今年1月15日開始推行的「舉報濫用公屋獎」，提到丟空單位（或逾3個月非經常持續居於單位），均屬濫用公屋行為，一經被證實則會被終止租約，若租戶明知而作出虛假陳述，更可能會遭檢控。
▼5個最常見濫用公屋行為▼
來源：FB@香港人
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
