港男稱慳錢狂叫麥當勞外賣1個月！網民傻眼：有錢人先會咁食

港男為慳錢食1個月麥當勞外賣 網民嘲：有錢人先咁食

有港男透過連登討論區發帖，以「為咗慳錢叫咗一個月M記（麥當勞）外賣」為題，分享過去的5月持續進食麥當勞的食物相片，並留言稱「為左（咗）慳錢可以去到幾盡，我地已經連續食左一個月M記宵夜/早餐」。

+4

+3

點擊圖片放大

板燒雞腿扭扭粉外賣$86起 宵夜一人餐$123.5

從相中可見，樓主不時都點「板燒雞腿扭扭粉餐」、「熱香餅早晨全餐」、「脆香雞翼餐」等。不過令人傻眼的是，樓主分享多間麥當勞餐均是透過外賣平台下單購買，其中「板燒雞腿扭扭粉」早餐外賣價錢高達$86至$91不等，而宵夜一人餐更索價$123.5，令網民驚訝「咁叫慳錢」？有人直言「無錢唔係捱杯麵咩」、「有錢人先咁食」、「對慳有啲誤解」！

點擊圖片放大

網民傻眼：點解會覺得慳緊錢？

不少精打細算的網民隨即列出更平選擇，例如兩餸飯$30至$40一餐，甚至叫唐記點心飯都比食麥當勞外賣敘宜，有人更狠批：「呢個價錢乳豬燒鵝飯都食到啦！」亦有網民質疑，真正慳錢應該是自己煮或買平價即食麵，而非依賴外賣平台叫貴價快餐，「兩個人M記至少都$80，在屋企煮有無數方法一半價錢都唔洗，點解會覺得慳緊錢」？

慳錢定係懶？網民憂健康恐亮紅燈

除了價錢問題，網民亦關心樓主的健康狀況，有人嘲諷：「相信樓主已經滿面暗瘡，體臭強勁，行路開始上氣唔接下氣」長期進食高熱量、高鈉的快餐，加上缺乏均衡營養，恐導致肥胖、高膽固醇等問題。有人就建議樓主與其「假慳錢」，不如認真規劃飲食預算，「我都鍾意食麥當勞，但係都要睇住身體」。

事件亦引發「何謂真正慳錢」的討論，有網民指：「慳嘅話更加唔會食宵夜，只可以捱肚餓」、「想慳錢，可以原片麥皮用熱水白烚，平均成本係$5/餐」；亦有人笑言樓主可能誤解「慳錢」定義，或者純粹是「懶得煮」的藉口。不過在百物騰貴的香港，「慳錢」都絕對是一門需要智慧的學問，大家又有何心得呢？

資料及圖片來源：連登討論區