40歲OL港女接政府面試信 2個原因猶豫應否去見工？網友：鐵飯碗你都唔要？

文: 黃樂恩

16小時前

香港公務員薪高糧準，甚少會炒人，一向被視為筍工，特別是現在經濟環境大不如前，不少打工仔都有意加入「鐵飯碗」行列。一位年約40歲的女網友在網上發帖，指早前收到政府通知面試，雖然薪水比較高，惟2大原因令她一再猶豫應否去見工？

港女2原因猶豫應否去見政府工？

該名女網友於「香港討論區」發帖，透露自己今年40歲，一直從事白領文職工作，2023年前月薪高達$25K。但自從舊公司結業、被迫轉工後，收入大幅下滑，「連20K都搵唔到」，現時月薪僅$15K（剛剛通知6月份加薪1000蚊，由15K加到16K）。她更表示，目前老公失業，整個家庭的開支及供樓壓力，全數由她獨力承擔。

近日她收到政府通知，將於6月初面試「二級文化工作助理員」，屬公務員職位。雖然薪酬待遇比現在工作好，但她仍因兩大因素猶豫不決，遲遲未決定是否前往面試，「見唔見好呢？我係咪應該放棄依家呢份工？」

▼2原因猶豫應否去見工▼

點擊圖片放大

港女呻要向現實低頭...

樓主亦留言補充，表示自己學歷不高，坦言「高人工公務員我學歷不足，低人工公務員我睇唔上眼！要體能既公務員自己做唔到」。但現實壓力難以忽視，無奈形容自己現在是「供樓供到傻」，並透露「依家老公失業，仲有層樓2019買架，負資產，要供樓，個物業用作出租，但每個月要補貼幾千供樓！唉！依家借錢維持，如果住公屋就唔駛甘閉翳啦！」

二級文化工作助理員人工高達23K

翻查資料，康樂及文化事務署（康文署）的「二級文化工作助理員」屬公務員職位，薪酬由總薪級表第1點（每月$15,180）至總薪級表第8點（每月$23,585），主要負責在憲報公布的文娛中心、公共圖書館和博物館，提供協助／支援服務，當中包括前台工作、顧客服務、樓宇管理、監督合約服務供應商、處理圖書館資料、執行場館規例以及一般管理支援。