港男靠政府1萬蚊創業做老闆？5年間由網店做到實體店！裝修拎貨全部一腳踢 自爆僅賺呢個數？

用政府$1萬創業做水晶店老闆？

該名港男以「創業」為題發帖，以長文講述自己如何靠著港府「全民派錢」的一萬元起家。

▼即睇創業經歷▼

+11

+10

點擊圖片放大

樓主在文中提到，自己當年只有20歲，身無分文，靠著港府「全民派錢」的一萬元起家。他用這筆錢購入了一批又一批的水晶手串，一開始在家中「做網店開直播」。後來，他更在觀塘開設了實體店，「靠有一班熟客，然後再介紹俾其他朋友，慢慢拓展客源，先做到今日」。

水晶生意賺好多？樓主：最多賺你一千幾百

不少人都以為水晶生意賺得多，但樓主直言現實並非如此，「我地無背景、人脈、資金，由零開始去識人慢慢同批發打交道」。同時，他強調自己不會刻意抬高價錢，「起碼唔會攞貨返嚟$2000然後賣你1萬，最多賺你一千幾百」。

眼見近年香港市道明顯轉差，港人消費變得保守，樓主也不禁慨嘆：「創業其實唔難，守業先係最重要」，他想起當初店舖也是靠慢慢拓展客源，才能撐到今日。不過，他仍鼓勵一眾正在堅持守業的同路人：「一齊加油，經營小店真係唔容易」。

網民激讚創業精神

帖文引起不少關注，許多網民都認為樓主的創業故事非常勵志，紛紛留言為他打氣，「創業難守業更難，加油」、「有目標已經贏左好多人」。另外，也有人坦言自己當年對這一萬元的使用方式與樓主簡直天差地遠，「好強，我用左果1萬買我人生第一部iPhone，完左...」、「您好叻呀，我當時個一萬蚊我捐左一半」、「我當時攞左去買小米，最後蝕左一半」。

留言中，亦有網友好奇樓主幕後運作，詢問道「你點樣點搵批發商？本地定外地？」、「水晶市場大唔大？」、「除開入貨、租金，淨收入有幾多？係咪淨係賺人工？」、「直播係咪主要銷售渠道？」、「擺貨要壓幾多錢？工作室成本高唔高？」

樓主逐一回覆：收入真係唔多

而樓主亦有逐一留言回覆，他坦言自己收入並不多，「淨係賺份人工，因為租金同入貨錢都係好大支出」。不過，他表示最大的好處是工時比較輕鬆，「每日唔使咁早起身，返2放8啫。」

至於「擺貨」成本，樓主透露開設第一間店舖時曾「all in」投入約10萬元購貨，希望能在三個月內回本。當時他更一手包辦店舖裝修，亦沒有聘請員工，成功大大減低開店成本。他亦補充指，過往經營網店主要靠直播推銷產品，但自從開設實體店後，直播只佔業務一小部分，「直播就只係佔少部份直播通常都係做優惠清貨或者新貨率先賣，大部份都係靠門市直接售賣」。

▼樓主逐一回覆留言▼

+3

+2

點擊圖片放大

來源：Threads