4歲兒童冒險樂園掟彩虹！代幣竟然咁樣獲封「擲幣神童」！全場停晒手起哄：佢冇擲界！
冒險樂園「掟彩虹」遊戲近日再出現罕見「垂直代幣」，網民拍攝到代幣直立藍色格，令不少人聯想到電影《少林足球》情節，直言「個或然率係零呀！」發文者指職員初判不中引不滿，最後因一事改判中獎。有指代幣為一名4歲童投擲，帖文發布後火速引來大批網民讚好。與此同時有人熱議中獎合理性，遊樂場過往亦曾因判獎標準惹議。
掟彩虹再現垂直代幣
不少港人都熱愛去室內遊樂場娛樂消磨時間，尤其是夾公仔、推幣、推糖、掟彩虹最為熱門，當中最考手氣的掟彩虹不時傳來判獎爭議，過往更有場所曾經因為代幣疑似壓界和著色範圍較代幣面積細而掀起熱議。近日有網民在Facebook群組「美國冒險樂園關注組」發文分享目擊其他玩家的擲幣神技，驚訝直呼「呢個機率有幾低！」
職員初判唔中引起哄
從網民分享的圖片可見，這杖遊戲竟然垂直落在彩虹池藍色格位置。網民憶述當時約有7-8個人在掟彩虹，當見到這個情景後紛紛停手，「個個都停手唔掉住，睇下佢中唔中，個個都話佢冇擲界。」不過第一位職員判不中獎，引來眾人起哄，最後經理到場判定為中藍色大獎，事件圓滿落幕。
網民大讚擲幣神童
帖文獲大批網友讚好及討論，有網民稱「仲諗緊個staff話係幅圖計個銀右邊凌空既位置踩到界當唔中」、「coins唔係瞓底 會唔會唔計?!」、「仲諗緊個staff話係幅圖計個銀右邊凌空既位置踩到界當唔中」、「唔可以用3D嘅世界睇2D嘅世界。」有人聯想到電影《少林足球》的劇情，「一係就公，一係就字，永無中間㗎，中間嘅或然率咪零囉！」亦有人想起《愛回家》早前播出的一集，根叔掟彩虹的橋段。
據悉擲幣者為一名4歲兒童，網友讚「高手在民間」、「撞手神童」、「抵俾啦」、「真心勁！」有人表示這類情況一定判中，「唔中報硬東張都得了」、「咁都唔計？隻公仔可以做陪葬品」、「如果咁樣冒險樂園夠膽話唔中，我諗罷去都似。」
網民反應兩極：唔係老馮要畀
另一邊箱亦有人認為應該判不中，「先唔講俯視角度、銀仔企喺度揸正嘅話係唔應該計中，玩得耐嘅彩虹客都會知。呢啲case好多年前都會出現。當時會揸得比較緊。」他認為經理判獎有3大因素，一是不想與客人爭論、二是有同理心、三是擔心做壞規矩，表示「見你爭小小 咪無謂捉到咁正 大家真係唔好覺得老馮要比。」有部分網友指出，過去發生過同類事件，不過職員稱代幣要平放才算數。
除了留言賞讚神乎其技和好運，中獎與否的問題同樣激起連番討論。發文者其後就貼左一張掟彩虹規則，上面列明「一切中獎均以俯視角度為準」，「代幣擲中空白位置或有任何擲界，一律作廢」，他認為應該以代幣接觸面作準，「我都搵過掉彩虹嘅規矩，我都搵唔到有話個垂直弊係唔計？既然冇寫，點解咁幫住冒險樂園話唔中呢？係咪要下下揸正嚟做，每一個獎都要影相，要驗屍官咁樣驗大家先開心？」
港生活人氣本地熱話
↓勁賞李錦記蠔皇牛肉撈麵↓
↓招牌蠔油醬汁 低脂非油炸麵↓
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
