林盛斌Bob自爆慘遇世紀騙案要報東張？事件極誇張直言：千年道行一朝喪！
現年45歲的林盛斌（Bob）是TVB的金牌司儀，曾為無綫主持不少節目及擔任大型活動的司儀。而日前他竟然在社交平台自爆遇到「世紀騙案」，表示入行20多年，第一次遇到「點估都估唔到嘅劇情」、「原來呢個世界上真係會發生呢啲咁荒謬嘅事」，直言千年道行一朝喪，更指要報東張？
林盛斌Bob慘遇世紀騙案
日前Bob在社交平台自爆遇到世紀騙案，表示早前經理人曾收到一個自稱是老人院負責人的李先生有關代言及廣告製作的查詢，但當一切前期工作都完成，打算到老人院實地考察時，接待處職員竟表示沒有李先生：「入到去，我哋同接待處個職員講話我哋約咗李生開會，然後個職員就黑人問號：李生？邊個李生？我哋呢度冇呢個人。」
事件誇張曝光
其後就有老人院職員林主表示：「原來過去呢段日子，呢個所謂嘅「李先生」，已經用過唔同嘅名字、身份、卡片同資料，利用佢哋老人院嘅名義去訂唔同嘅物件同貨品，甚至搵啲裝修公司話老人院要維修quote價，又試過book咗一個按摩師上到去話幫啲老人家按摩，林主任話呢張卡片嘅內容有啲係真，有啲係假，同埋其實之前佢哋已經報咗警，備咗案」
Bob直言：千年道行一朝喪！
最後Bob就表示：「真係千年道行一朝喪，出嚟撈咗20年，第一次遇上呢啲點估都估唔到嘅劇情，喺度奉勸咁多位幕前同行，包括經理人同助手，原來呢個世界上真係會發生呢啲咁荒謬嘅事。雖然我唔知道呢啲算係騙案定係惡作劇，亦都唔知道點樣可以叫大家小心避免呢啲事，總之，就係要執生啦，唉，黐鬼線！」更形容事件「呢單嘢，真係好癲」
阿Bob中學舊照曝光 髮量驚人超濃密
早前，阿Bob就在社交平台上分享中學舊照，照片中的他頭髮相當濃密，身穿一件未完全扣上的黑色恤衫，並佩戴金牌頸鏈和金戒指，散發出濃濃的「江湖味」。雖然外貌上並未有太大改變，但與如今的光頭形象截然不同，難怪連阿Bob自己也開玩笑道「其實個樣同而家冇乜分別，只係有頭髮」。
網友大讚阿Bob凍齡有術
有網友看後大讚阿Bob凍齡有術，外貌身形都沒有太大的改變，「樣子沒變過…好像現在還年輕喔」、「嘩，你靚仔過林峯」，但亦有不少網友表示「睇唔慣」，紛紛留言笑稱「髮線先鋒開拍」、「係咪呢家戴左假髮再影咋」。
▼網友留言▼
阿Bob中學舊照撞樣張智霖？
此次，有網友認為阿Bob與圈中幾位男星有幾分相似，「第一眼以為係吳宗憲呀」、「點解我覺得有d似譚輝智」、「年輕版的梁朝偉」，其中呼聲最高的是「似張智霖」，不少人都覺得阿Bob有幾分像張智霖。難怪阿Bob本人看後都哭笑不得，昨日IG再發帖文說「又張智霖，又溫兆倫，又呂方，又吳宗憲，又譚真一，又邰正宵，最離譜有幾個說是梁朝偉...其實最後根本就是關嘉敏扮譚輝智！」
阿Bob撈到風生水起 豪宅愈搬愈大
近年阿Bob在娛樂圈撈得風生水起，口才了得的他身兼主持、演員及娛樂公司老闆，有傳他擔任一場婚禮主持，出場費已經要收6位數，看來非常好賺！除了吸金力驚人，阿Bob就連住所都愈搬愈大愈住愈豪，15年由太子道900呎舊居搬去加多利山三千呎豪宅，隨後又與太太Pearl及4名子女搬到九龍塘的四層獨立屋，當時好友C君更開玩笑稱，形容阿Bob屋企大過地球。
家有超氣派樓梯 花園大到放游泳池
隨著小朋友長大，阿Bob又在2022年帶同一家六口再搬到同區更加大的特色豪宅，希望一家人住得舒舒服服。當時阿Bob接受訪問時透露新屋風水好、環境又好，不時又會在社交平台上分享生活照，曝光豪宅的內部環境。
從照片見到，阿Bob家中走清雅簡約路線，地板以白色為主，有別於以往木地板風格，感覺喚然一新。無論是阿Bob與太太的睡房還是仔女房間，活動空間非常大，其中最令人印象深刻的就是大屋內的氣派樓梯以及超巨型花園，花園大到連臨時游泳池都放到，空間認真廣闊。
▼阿Bob九龍塘豪宅曝光▼
林盛斌Bob自爆幫全家買骨灰龕 列11原因大讚好值得買
除了豪宅愈住愈豪，林盛斌就連將來骨灰龕位置都諗好！去年底，林盛斌（Bob）在社交平台發長文分享自己為全家買骨灰龕，當時Bob表示自己最近上網查看了很多關於買賣骨灰龕位的資料，其後還親身視察多個合法持牌私營靈灰安置所，綜合價錢、環境、服務、風水幾個因素後，選擇了一個位於葵涌的私營靈灰安置所，「為自己同埋屋企人未雨綢繆。」
之後Bob更列出這個場地買的骨灰龕11大好處，他表示該處是政府認可持牌私營靈灰安置所，地點位於市區、交通十分方便，現代化酒店級管理，而且價錢合理貼地，還可以做免息分期，認為此骨灰龕非常值得推介。
同時，Bob亦在文中多次強調自己不是賣廣告，他指出現時一些有名氣的骨灰龕場，「單人位」已經要價50–60萬，某一些較好的位置甚至要過百萬。而今次Bob所購買的骨灰龕場，「雙人位」收費較市面上的骨灰龕場平一半以上，「都仲未計環境、裝修、管理、地理位置同風水等等，全部呢啲因素，都比其他地方有過之而無不及」，並透露自己今次所購買的是「豪華版六人位，原價係$238萬，最後佢俾我$168萬，即係差唔多七折」，大讚在這裡買骨灰龕實在是物超所值。
Bob表示，今次出Post目的是希望其他孝子賢孫都可以以同樣優惠價錢，買得起骨灰龕給自己親人，為親人安排一個舒適環境，是一個很大的公德。最後Bob也重申強調，「我唔係乜嘢sales或者中介，你買，我係冇commission收嘅，你唔買，我亦都冇任何嘅損失」。
相關帖文：
港生活人氣娛樂新聞
↓【限時搶⚡】Yuskin悠斯晶紫蘇精華系列↓
↓紫蘇精華全效防曬乳｜紫蘇全效保濕煥膚修護面膜↓
↓【限時搶⚡】卡樂B香烤魷魚味波浪薯片↓
↓獨特魷魚味半融粒粒｜咸鮮味逼人↓
假日好去處