荃灣屠房請「搬豬員」日薪$800極短工時 網民揭1個原因寧願返地盤？
荃灣屠房高薪聘請搬豬員！近日有屠房疑透過中介公司發布一則「搬豬員」招聘廣告，職位薪金引起熱議，招聘信息顯示，工作時間為早上6時半開始，工作時間一般兩小時日薪$800，即平均時薪約$400，遠超一般體力勞動兼職，成為不少打工仔眼中的「筍工」、「慳咗gym錢」。然而，都有網民直言「搬豬」工作非想像中簡單，「一隻豬成200kg」，而且最難頂是需要忍受臭味？
荃灣屠房請「搬豬員」日薪$800極短工時
荃灣屠房一則「搬豬員」招聘廣告近日在網上廣傳，屠房開出日薪$800，每日一般僅需工作2小時的超誘人條件。從圖中可見，工作時間為早上6時30分至「做完」，並列明「需大量體力勞動」、「長期工作，收工返多份都仲得」，引來網民討論。
港人熱讚6半開工吸引：沖個涼又可以再返工
有精明網民立即計數，直言上班時間相當完美：「啲時間正哂喇，朝早6:30做2個鐘收8舊（$800），之後沖個涼又可以返工」、「住附近，份正職又喺附近，8點前去運動場沖個涼，再食埋個早餐先返正職都仲得，每個月輕鬆賺$16000+ 兼慳咗gym錢」、「幾好，當做尖（gym）」。
網民寧願返地盤：又臭又重先$800
不過，搬豬工作遠非普通體力活可比。有網民分享，一隻豬重則逾百公斤，需人工用掛鉤固定，再進行宰割與清理，現場血腥及異味嚴重，難度與污穢度皆不容小覷：「我拎四包5kg米都覺得重到X街，一隻豬最輕都100kg，仲要重5倍」、「屠房即係內臟個啲仲係度，吊起成百斤上勾再劏開佢噴到一身又血又屎」、「我朝頭早返工有時見到送豬貨車，應該岩岩屠房直出去街市，重同恐怖都唔緊要，果陣味真係臭到，有次行過都頂唔順，見到架車要兜遠路」。
▼網民留言▼
因此有人認為以工作性質而言，人工未算特別高薪，「又臭又重先$800，不如做地盤」、「尊敬屠房工人唔易做， 有行過屠房聽過啲叫聲就知道頂唔順，唔係一般人可以做」。
資料及圖片來源：連登討論區、HKET圖片庫
港男挑戰做日薪$1000洗碗工！開頭大讚Hea住賺錢 結局大反轉？
本港不少食肆經常有洗碗工空缺，有茶餐廳即使出價$30,000仍無人問津。洗碗工作辛苦，長期彎腰加上經常搬動大量餐具餐盤，容易受傷。計算平均時薪後絕對不吸引，安坐辦公室打工更為容易。早前有港男去體驗當一天洗碗工，事後大呻：「真係唔係人做！」
小紅書博主「香港阿龍」近日在社交平台以「真實體驗為何日薪1000的香港洗碗工沒人做？」為題，分享自己的一日洗碗工體驗，經歷箇中辛酸同時了解到為何洗碗工清潔工人工高，卻屢屢空缺無人做。
從短片可見，阿龍向放題餐廳入手搵工，該餐廳的洗碗工日薪$1000，不過因阿龍長相比大眾認知的洗碗工年輕，似乎久缺經驗，老闆一度以「睇落唔挨得苦為由」拒絕，其後阿龍自願壓價至$800，方獲老闆請人。
老闆輝哥在簡單講解後，就馬上讓博主阿龍開始工作，第一批碗碟看起來數量不算多，而且餐盤上並無殘留食物，清潔難度不算高。阿龍一度誇下海口：「這麼少碗洗完就可以休息啦，好Hea啊這工作，$1000好易到手。」阿龍擦拭完餐盤後，就推入烘乾機，工作尚算輕鬆。阿龍表示：「人家都說有手有腳，在香港絕對餓不死。」
豈料洗碗工工作不光是洗碗，阿龍稍作休息後，輝哥就叫他清廁所、拖地、場地清潔，要賺$1000認真不容易。不過香港的飲食業普遍會視乎工作時數包1至2餐，員工可以省下一筆午膳費，又可以在室內吃飯休息，亦算有人情味。
用餐過後，阿龍緊接開始下半日工作，仍舊洗碗、洗廁所、拖地、清潔地方。阿龍估計今日洗了至少1000隻碗，結束一日體驗後不禁慨嘆洗碗工「不是人做的。」參考求職網站數據，洗碗員的工時約9-12小時，每月休4-6日，若以日薪$1000計算，每月雖然可賺取高達$26000，但平均時薪可能只得$80-100。
有網民認為薪水可觀夠吸引，希望來港工作，不過有人提醒「香港薪水高，物價也高，房租貴的飛起。 別以為一個月3萬很多了，到月尾還有一萬剩下就牛逼了」、「一千一天瞅挺高，但香港物價非一般地貴，算下來也就那樣了」、「工資高是因為物價高，一年到頭剩不了多少。」
授權轉載：香港阿龍@小紅書
同場加映：【香港周圍遊】最新影片
港生活人氣本地熱話
↓【限時搶⚡】Yuskin悠斯晶紫蘇精華系列↓
↓紫蘇精華全效防曬乳｜紫蘇全效保濕煥膚修護面膜↓
【招募毛孩】請您食 Whiskers N Paws「寵物零食套裝」!
假日好去處